Salmos 26
26
Llana kai si iek zivoto chisto
Llili katar o David.
1Devla, krisisar man,
soke llav chachimaia.
Ande tute uzdiu man sa me liea.
2Dik sar ziviu ¡zumav man!
¡zumav me mislura
ta zumav so si andre ande mo lio!#Sal 7.9; 17.3; 139.23.
3Me llanav so si cho volipe
ta llav ande cho chachipe.
4Nikada ni zivisardem e kojamnenchar
ta ni chidinailem e llenenchar kai cherenpe so inai.
5Joli si mange kana chidiniaon e bilache llene,
¡nikada ni zivisardem e bilachenchar!
6Me vastenchar jalade katar o bilachipe,
mangav te avav Devla, pasa cho altar,
7te blagosiv tut llilienchar,
ta te phenav e bare ezgode kai chere.
8Devla, me voliu o cher kai tu zivi
kote kai si chi liubao.#1 R 8.11.
9Na muk te merav e bilachenchar,
na cher te nakhav so nakhen e llene kai mundaren averen,
10gola kai lenge va si pherde
bilachipe ta love kai lie kojaimaia.
11A mo zivoto si chacho.
¡Braduisar man, te avel chuke zalba mandar!
12Me porrne ustaven pe phuv e zurali,
¡ka blagosiv e Devle angla leko foro!
Currently Selected:
Salmos 26: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
