Salmos 25
25
Pomozisar amen Devla
Llili katar o David.
1Devla, chuke moliv man.
2Murno Del, ande tute uzdiu man,
na muk te achav ando lallao.
¡Te na muke te asan peke mandar me dusmanura!
3¡Te na achel ando lallao
ni iek katar gola kai si len vera ande tute!
¡Te achen ando lallao gola kai pala niso
cherdon che dusmanura!
4Devla, sikav mange che droma,
sikav mange katar si te phirav,
5illarman man tu. Thou man po drom
katar cho chachipe ta sikav man,
soke tu san mo Del ta mo braduimari.
¡Sorro llive si man vera ande tute!
6Devla,
de tut golli katar o volipe ta e zalba ostade
kai si tut pe amende,
7a katar mo bilachipe na de tut golli,
katar o bilachipe kai cherdem kana sema terno.
Devla, de tut golli mandar,
pala cho baro volipe ta pala chi zalba.
8O Del si lacho ta chacho,
goleke sikavel o drom e bilachenge
9ta inllarel pe po drom e llenen kai inai barikane,
¡sikavel len ando chachipe!
10Suako drom vou cherel e ezgode
volimaia ta chachimaia,
golenchar kai ni phagen leko alav
ta leke zakonura.
11Devla, baro si mo bilachipe,
prostisar man ande cho anav.
12O lleno kai blagosil e Devle,
o Del ka sikavel leke o drom kai si te esviril.
13Ka del le but blagosipe
ta leke porodoke ka avel dini e phuv.#Dt 11.8-9; Sal 37.9,11,29; Mt 5.5.
14O Del si amal katar e llene kai den le liubao,
ta sikavel lenge save si e sovel kai jala.
15Suako llive dikhav karing o Del,
soke vou ikanel man katar suako dar.
16Dik pe mande Devla, te avel chuke zalba mandar,
soke sem korkorre ta dukhado.
17Suako drom dukhal man mai but mo lio,
ikan mandar gaia duk.
18Dik pe mi nuzda ta pe mi patnia,
ta prostisar sa mo bilachipe.
19Dik gachin dusmanura si man
kai murzin pe mande silnomaia.
20¡Arak man, braduisar mo zivoto!
¡Na muk te achav ando lallao,
soke ande tute uzdiu man!
21Ni cherdem o bilachipe ta ni sem dosalo
soke mi vera si ande tute.
22¡Devla,
braduisar e Israele katar sa leke nusde!
Currently Selected:
Salmos 25: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
