Salmos 24
24
O Charo katar e dragostia.
Llili katar o David.
1E Devleko si sa o sueto,
ta sa so si ande lete,
ta sa so zivil ande lete.#Sal 50.12; 89.11; 1 Kor 10.26.
2Soke vou thoda pe po than e phuv
ta cherda te achel chapeni upral pe mora
ta upral pe paia.
3¿Ko sai likel po burdo e Devleko?
¿Ko sai achel ande leko santo cher?
4Gua kai si leke va ta leke mislura
chiste katar suako bilachipe,
gua kai ni blagosil avere delen
ta ni jal sovel bange.#Sal 15.1-2; Is 33.14-16; Mt 5.8.
5O Del, leko Gazda ta braduimari,
ka blagosil le ta ka cherel leke o chachipe.
6Gia trubul te aven gola kai roden e Devle,
gola kai roden te aven pasa o Del katar o Jakob.
7¡Putaon udara!
¡Achen putarde udara ostade,
ta ka del andre o Charo katar e dragostia!
8¿Ko si gava Charo katar e dragostia?
¡Vou si o Del, o zuralo ta tromano!
¡Vou si o Del, zuralo kana marelpe!
9¡Putaon udara!
¡Achen putarde udara ostade,
ta ka del andre o Charo katar e dragostia!
10¿Ko si gava Charo katar e dragostia?
¡Vou si o Del kai si le sa e zor!
¡Vou si o Charo katar e dragostia!
Currently Selected:
Salmos 24: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
