Salmos 21
21
Llilabel soke dobisarda
Katar o lleno kai sikavel te llilaben. Llili katar o David.
1Devla,
o charo si veselo soke dian le zor,
¡bari veselia si leke soke cherdan te dobil!
2Cherdan so zelila te cherel,
Ni phendan leke kai iok pe so mangla.
3Lian le bare blagosimaia
ta thodan pe leko soro iek korona sunakuni.
4Mangla tutar zivoto ta dian le baro zivoto,
zivoto ostade.
5Pala cho pomozipe vou si zuralo,
cherdan te avel le liubao ta baripe.
6Blagosisardan le ostade,
kana si pasa tu phere le veselia.
7Tu charo, nikada ni ka pere soke si tut vera ando Del,
¡si tut vera ando volipe katar o Del e milosoko!
8Chi zor ka perel pe sa che dusmanura,
cho va o chacho ka resel pe gola kai murzin pe tute,
9ka thove len ande iek furnava phabardi
kana ka ave te krisi len.
O Del ande pi joli,
ka phabon ande iag kai zatril.
10Ka ikane katar gava sueto ta maskar e llene
lenge chaurren ta lengo porodo.#Job 16.19; Sal 37.28; 109.13.
11I te mangena te cheren chuke o bilachipe
ta te denpe orba sar ka cheren le,
ni ka cheren pe piro,
12soke tu ka chere te nasen
ka thove karing lengo mui cho arko.
13¡Sikav lenge kai san baro, Devla!
¡Veseli amen llilienchar soke dobisardan!
Currently Selected:
Salmos 21: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
