Salmos 20
20
O Del pomozil e charo
Katar o lleno kai sikavel te llilaben. Llili e Davideki.
1Te asunel tut o Del kana san ande nuzda,
isto o Del katar o Jakob te marelpe cheres tu.
2Te pomozil tut katar pi chara ando Sion.
3Te delpe golli katar sa so dian,
ta te lel dragostimaia che kurbanura.
4Te del tut sa so mange letar,
ta te del tut sa so mange te chere.
5Ta gia ka veseli amen soke ka dobi,
ka vazda e bariakura
ando anav katar amaro Del.
¡O Del te del tut sa so mange letar!
6Me llanav kai o Del
ka cherel te dobil o charo kai esvirisarda,
ka asunel le katar po santo miloso,
ta ka cherel te dobil but droma pe zoriaia.
7But llene si len bordona kai marenpe lenchar,
aver si len gra,
a amen si amen amaro Del.#Sal 33.16-17; Pr 21.31; Os 1.7.
8Lenge porrne bangon, ta peren
a amen sam zurale ta sam pe porrne.
9Devla, ¡cher te dobil o charo!
¡Asun amen kana ka ikhara tut!
Currently Selected:
Salmos 20: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
