Salmos 22
22
Urkipe cheres e nuzda ta llilabipe kai blagosil
Katar o lleno kai sikavel te llilaben, prema e llili katar e sluga kai dobil. Llili katar o David.
1Devla Devla,
¿Soke muklan man?
¿Soke ni ave te bradui man?,
¿Soke ni thove sama kai rovav?#Mt 27.46; Mk 15.34.
2Tu san mo Del,
Ollivesea ta orachaia ikharav tut,
ta ni de anglal,
¡inai man vlaga!
3A tu san santo,
tu charoi, blagosime san katar o Israel.
4Amare purane avila len vera ande tute,
avila len vera, ta tu braduisardan len.
5Mangle tutar te braduisardan len,
ta ni muklan len ando lallao.
6A me ni sem iek manus, me sem iek chermo,
¡o sueto asal peke mandar!
7E llene kai dikhen pe mande
maren mandar espurnia,
bangaren mange po mui, miskon po soro#Mt 27.39; Mk 15.29; Lk 23.35.
8ta phenen:
Gava lleno saia le vera ando Del,
o Del te braduil le,
gia sar volil le gachin o Del, te braduil le.
9Ta gia si:
tu cherdan te likav katar me dako lli,
sar kana sema pe me dako brek tu dian man vera.
10Mai anglal te biandivav,
sema dino te arakhe man,
sar kana sema ande me dako o lli
tu san mo Del.
11Na duriu mandar,
soke e nuzda si pase
ta inai man ko te pomozil man.
12Me dusmanura si truial mandar sargo guruva,
sargo dive guruva katar o Basan.
13Basen sargo lionura dive,
putaren po mui te jan man.
14Sem sargo pai kai perel,
me kokala si estuknime.
Mo lio si sargo o mom kai bilaol.
15Mo mui sukilo andral sargo iek chikla,
mi chib lipisaili pe mo taloi.
¡Thodan man ando prajo e merimako!
16Sargo llukela thodepe truial mandar
e bilache llene,
dandarde me va ta me porrne sargo liono.
17¡Sai llinav sa me kokala!
Me dusmanura ni len pe akha mandar,
18fulade maskar pete me patave,
ta cheldepe upral pe lende.#Mt 27.35; Mk 15.24; Lk 23.34; Jn 19.24.
19A tu Devla, kai san mi zor,
¡Na duriu! ¡Aide oma te pomozi man!
20Na muk te merav po jarni,
na muk te mundaren man gola llukela,
21braduisar man te na avav ando mui katar gola lionura,
¡ikan man katar e singa gole guruvenge!
22Me ka dav orba me foroke,
ka blagosiv tut kana von ka chidiniaon.#Ebr 2.12.
23Tumen kai den liubao e Devle,
¡Blagosin le!
¡Blagosin le sa o porodo katar o Jakob!
¡Blagosin le sa o porodo katar o Israel!
24Soke vou ni marel espurnia ta ni nakhel upral
pe patnia katar e chorre,
ta ni gurudol lendar.
¡Vou asunel len kana mangen letar te pomozil len!
25Angla cho baro foro
ka blagosiv tut soke san chacho,
angla gola kai den tut liubao
ka cherav e sovlia kai jalem.
26Jan tumen kai nakhen patnia,
lligo ni ka chalion,
blagosin e Devle, tumen kai roden le,
ta zivisaren but burs.
27Sa o sueto,
sa e llene e phuviake:
den tumen golli katar o Del ta aven lete,
¡den changenchar angla le!
28Soke o Del si Charo,
ta vou charoil pe phuvia.
29Den changenchar angla le ta blagosin samo le,
sa gola kai si len but,
sa gola kai si te cherdon prajo,
soke inai zivoto ande lende.
30Mo porodo ka blagosil e Devle
ta ka del leki orba sa po zivoto,
31golenge kai ka biandon mai angle, ka phenen lenge
katar leko chachipe ta katar e ezgode kai cherda.
Currently Selected:
Salmos 22: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
