Salmos 19
19
O baripe e Devleko dikhol ande so cherda
Katar o lleno kai sikavel te llilaben. Llili e Davideki
1O miloso del orba katar o baripe e Devleko,
ta katar sa so cherda.
2E llivesa den gaia orba maskar pete,
e racha inllaren e buna.
3Ni asundon alava
ni avazura,
4a sa o sueto asunel len,
llik kai o than mai gurudino katar e phuv.
Kote o Del thoda iek than e khameke,#Ro 10.18.
5ta likel sar likel iek terno katar e soba e zinimengi
ta veselilpe sargo iek lleno kai prastel ta istarel o drom angla pe.
6O kham likel katar iek rig e milosoki
ta perel lligo ni avel kai ogoia rig,
ta niko nasti nasel katar leko tatipe.
7O zakono e Devleko si chacho,
ta del zivoto nevo.
E alava e Devleke si chache,
ta bizaren e llenen kai ni llanen but.
8E zakonura e Devleke si chache,
ta veselin e lie.
O zakono e Devleko si bristo
ta putarel amare akha.
9O liubao katar o Del si chisto
ta achel ostade.
E krisa e Devleke si chachune,
sa von si chache,
10¡von si mai kuch neko o sunakai mai lacho!
¡Leke alava si mai gugle neko o aullin!
Kai thavdel katar o kuibo e bindivorengo.#Sal 119.127.
11Den pe mande ta sikaven man
ta blazil but te kanda len.
12¿Ko thovel sama katar piro bilachipe?
¡Prostisar Devla o bilachipe kai cherav ta ni acharav!
13Le mandar o baripe,
na muk te gazdaril pe mande o baripe.
Ta gia ni ka avel pe mande ni iek dos,
ta ni ka avav ando baro bilachipe.
14Me alava ta me mislura
te aven chuke drago.
Devla, tu arakhe man tu san mo braduimari.
Currently Selected:
Salmos 19: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
