Salmos 148
148
Sogo cherda o Del blagosil le
1¡Aleluia!
¡Blagosin e Devle katar o miloso!
¡Blagosin e Devle chak upral!
2¡Blagosin le tumen,
sa leke suechura!
¡Blagosin le tumen,
sa leke boñikura!
3¡Blagosin le, o kham ta o chon!
¡Blagosin le tumen,
e cheraia kai klichin!
4¡Blagosi le tu,
miloso e milosoko,
ta i tu, o pai kai san upral po miloso!
5Blagosin e Devleko anav,
soke vou phenda ta sa cherdilo.
6Vou cherda sa te avel ostade,
ta dia iek zakono kai nasti phagol nikada.
7¡Blagosin e Devle pe phuv,
ta e azdave katar e mora, e mora e bari!
8¡E esterliche ta e krupe, o iv ta e tufina!
¡E bari balav kai cherel so o Del phenel!
9¡Sogo si e burdura!
¡Sogo si e kasta kai den septelie!
10¡E zivirinie dive
ta gola kai zivin pasa o manus!
¡Gola kai terrinpe ta gola kai furian!
11¡E charura e phuvienge ta sa e phuvia!
¡Sa e gazda ta e krisaria e phuviake!
12¡Chave ta e chea,
e phure ta e minone!
13¡Blagosin saurre o anav e Devleko,
soke samo leko anav si baro!
¡Leki zor si upral po miloso
ta upral pe phuv!
14¡Vou dia zor pe foro!
Blagosin le e chave katar o Israel
o foro kai si pasa le.
¡Aleluia!
Currently Selected:
Salmos 148: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
