Salmos 147
147
Ni cherda isto gua sa e phuvienchar
1¡Aleluia!
¡Gia sukar si te llilaba e Devleke!
¡Te llilaba ande veselia ta ande dragostia!
2O Del vazdel pale o Jerusalem
ta chidel katar o Israel
e llenen kai si rispime.
3Vou sastarel e lie dukhade
ta ulil iek chiti pe lenge rane.
4Vou llinel sa e cheraia,
ta llanel sar ikhardol suako iek.
5Baro si amaro Del, ta bari si leki zor,
leko bizaipe inai le son.
6O Del vazdel e llenen kai inai barikane,
a e llenen kai istardon
mukel len pe chik ando lallao.
7Llilaben e Devleke ta den le fala,
llilaben ta basalen e arpa amare Devleke.
8Vou pherel e oblakura katar o miloso,
lacharel o bursin e phuviake,
cherel te bariol e char pe burdura,
9del te jan e zivirinie
ta e chirikliorren katar o kuervo kai roven.
10E Devleke inai drago
e zor e grasteki,
ni e va zurale e manusenge.
11E Devleke si drago
e llene kai blagosin le,
gola kai uzdinpe ande leko volipe.#Sal 20.7-8; 33.16-19; Am 2.15.
12Jerusalem, blagosisar e Devle.
Sion, blagosisar che Gazda.
13Soke vou ziriarda e alkave
katar che udara
ta blagosisarda che chaurren
andre ando foro.
14Vou anel e pas ande chi phuv
ta del tut te ja katar o mai lacho lliu.
15Vou bichalel po alav pe phuv
ta leko alav llal zurale.
16Vou bichalel o iv sargo kana si
bal e bakrenge,
ta rispil o mrazo sargo prajo iagako.
17Vou bichalel o ledo sargo krupe,
bichalel o sil, ta sa cherdol ledo.
18A bichalel po alav ta bilavel le,
cherel te phurdel e balav, ta o pai pale llal.
19Vou dia kai o Jakob ta kai o Israel,
po alav, ta pe zakonura.#Dt 33.3-4; Ro 3.2.
20Ni cherda le avere phuvienchar,
ta ni pinllarde leke zakonura.
¡Aleluia!
Currently Selected:
Salmos 147: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
