Salmos 149
149
O Del cherda e ezgode ta si Charo
1¡Aleluia!
Llilaben e Devleke iek llili nevi,
llilaben leke ando pero katar e chache.
2Te veselinpe e israelitura,
o foro katar o Sion,
soke o Del cherda le ta si leko Charo.
3Blagosin le ando chelipe Devlikano,
llilaben leke prema e arpa ta o pandero.
4Soke o Del veselilpe pe foroia,
ta ka blagosil e llenen kai ni istardon
ande po braduipe.
5Veselinpe e chache
ande leko baripe
i ando than kai soven
llilaben veselimaia.
6Blagosipe e Devleke
te likel katar tumaro mui,
ta ande tumare va te avel
iek jarni ostro pe dui riga,
7te sai pochinen e bilache llenenge,
ta te dukhaven maskar e phuvia,
8te phanden e charonen
ta golen kai gazdarin,
ande bare lanchura sartrune,
9te sai cherdon ande lende
e alava kai si pisime,
¡ta gaia ezgoda ka avel iek veselia
sa e llenenge kai si chache!
¡Aleluia!
Currently Selected:
Salmos 149: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
