Salmos 144
144
Iek charo del fala e Devle
Katar o David.
1¡Blagosime te avel o Del,
kai arakhel man!
Vou si kai sikavel man
ta sikavel me vasten
te llav po maripe.#Sal 18.34,46.
2Vou si mo chacho amal,
vou arakhel man,
vou si mo zido,
vou braduil man,
vou si mo eskudo ta lea arakhav man,
vou cherel te kandel man o foro.
3Devla,
¿so si o manus, te misli tut ande lete?
¿So si o manus, te voli le gachin?#Job 7.17-18; Sal 8.4.
4O manus si sargo iek suno,
leko zivoto nakhel sargo iek senka.#Job 7.7; 14.2; Sal 39.5; 62.9; 102.11; 109.23.
5Devla,
fulie katar o miloso,
ta dodisar e burdura te chuden thuv.
6Chude che llide phabarde,
ta che esterliche,
cher te na llanen kai ka nasen
che dusmanura.#2 S 22.8-17; Sal 18.9-14,16-17.
7Inzar cho va katar o miloso
ta braduisar man katar o baro pai,
na muk te gazdarin pe mande
e llene katar aver phuvia,
8gola kai kojaven
ta vazden po va o chacho
ta jan sovel bange.
9Devla,
ka llilabav chuke iek llili nevi,
ka llilabav ta ka basalav chuke
ande arpa ta i ando salterio.
10Tu, kai chere te dobin a charura,
kai bradui katar o jarni
che sluga e Davide.
11Kurtulisar man, ta braduisar man
te na gazdarin pe mande
e llene katar aver phuvia,
gola kai kojaven
ta vazden po va o chacho
te jan sovel bange.#Sal 18.50.
12Cher te barion amare chaurre
sargo patra zelene,
cher te aven amare chorra
sargo zidura sukar katar iek cher.
13Pherde si amare chera
kai guruva ande lende o lliu,
ta si pherde katar suako simicha.
Amare bakre barion po milia,
ta po des milie ande amare umalia.
14Te aven zurale amare guruva,
te radi lenchar.
Te na urkil niko daratar pe amare droma.
15¡Blagosime o foro kai si le gala ezgode!
¡Blagosime o foro kai lengo Gazda si o Del!#Sal 33.12.
Currently Selected:
Salmos 144: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
