Salmos 143
143
Ando Del uzdiu man
Llili katar o David.
1Devla, asun mo molipe.
Thou sama kai mangav tutar.
¡De man anglal,
soke tu san chacho ta chachuno!
2Na krisisar che sluga,
soke angla tu niko nasti chacharelpe.#Ro 3.20; Gl 2.16.
3Me dusmanura llan pala mande,
chuden man pe phuv,
thoven man te ziviu ando truniariko
sargo kana sem mulo.#Sal 7.5; 88.4-6; Lm 3.6.
4Ni dav ios katar e brige,
mo lio si chucho.
5Dav man golli katar o vreme o purano,
ta misliu man ande sa so cherdan.
6Karing tute inzarav me va,
trusalo sem tutar,
sargo e phuv e suki.#Sal 42.1-2; 63.1.
7Devla, ¡de man anglal oma soke merav!
na de man e zea,
soke ondaka ka avav sargo e mule.
8Cher te asunav cho volipe thiarinako,
soke ande tute uzdiu man.
Cher te llanav pe savo drom si te phirav,
soke ande che va muklem mo zivoto.#Sal 25.4-5; 27.11; 86.11.
9Devla, kurtulisar man
katar me dusmanura,
soke tute gurudivav.
10Sikav man te cherav so tu mange,
soke tu san mo Del.
¡Cho lacho duo te inllarel man
pe iek drom orta!
11Devla, pala cho anav
¡cher man te ziviu!
Soke san chacho,
¡ikan man katar e nevolia!
12Pala cho volipe,
¡zatrisar me dusmanonen!
¡zatrisar golen kai roden te mundaren man,
soke me sem cho sluga!#Sal 54.5-6; 116.6.
Currently Selected:
Salmos 143: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
