Salmos 145
145
Te blagosil e Devle suako manus
O David blagosil.
1Devla, tu san mo Del ta mo Charo,
ka blagosiv cho anav sa o vreme ta ostade.
2Suako llive ka blagosiv tut,
ka blagosiv tut ostade.
3O Del si baro,
prema le si o blagosipe,
nasti achara gia baro si vou.
4Sa e viche ka blagosin so tu cherdan
ka phenen e bare ezgode kai cherdan.#Sal 78.3-4.
5Ka den orba katar chi glamni viasta,
ta me ka dav orba
katar e glamne ezgode kai cherdan.
6Ka den orba katar e glamne
ta bare ezgode kai cherdan,
ta me ka dav orba katar cho baripe.
7Ka den orba katar cho baro volipe,
ta llilabindo ka phenen kai tu san chacho.
8O Del volil ta si leke zalba,
vou terpil ta si pherdo volipe.#Ek 34.6-7; Nm 14.18; Sal 103.8; Stg 5.11.
9O Del si posteno saurrenchar,
ta volimaia arakhel so vou cherda.
10¡Devla, te blagosin tut
sa e ezgode kai cherdan!
¡Te blagosin tut
gola kai pachan ande tute!
11¡Te den orba
katar chi glamni charoina!
¡Te den orba
katar e bare ezgode kai cherdan!
12¡Te sikaven e llenenge katar chi zor
ta o baripe katar chi charoina!
13Chi charoina si ostade,
Tu charoi sa e bursenchar.
14O Del istarel sa golen kai peren
ta vazdel sa e llenen kai inai len zor.#Sal 146.8; 147.6.
15Saurre dikhen pe tute,
ta tu de len te jan kana si o vreme.
16Putare cho va, ta sa so zivil
lel tutar te pravalpe.
17O Del si chacho pe sa leke droma,
posteno ande sa so cherel.
18O Del si pasa gola kai ikharen le,
gola kai ikharen le chachimaia.
19Vou cherel so mangen letar
e llene kai blagosin le,
kana mangen te pomozil len,
asunel len ta braduil len.
20O Del arakhel e llenen kai volin le,
a zatril golen kai si bilache.#Sal 104.35.
21¡Me us ka blagosin e Devle!
¡Saurre te blagosin leko santo anav,
akana ta suako llive!
Currently Selected:
Salmos 145: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
