Salmos 140
140
O molipe te arakhel amen o Del
Katar o lleno kai sikavel te llilaben. Llili katar o David.
1Devla, kurtulisar man
katar e llene bilache.
Arak man katar e silne llene,#Sal 71.4.
2gola kai mislinpe te cheren o bilachipe
ta sorro llive roden te marenpe.#Sal 120.6-7.
3Lengi chib pusavel sargo danda sapenge.
Lenge alava mundaren sargo o sap.#Ro 3.13.
4Devla, arak man katar e va e bilachenge,
arak man katar e llene silne,
katar gola kai roden te peraven man.
5Gola barikane thoven mange o kojaipe,
thode mange mreze ta sole,
thode mange o kojaipe po drom.
6Phendem e Gazdake:
Tu san mo Del,
¡asun sar urkiu ta moliv man!#Sal 31.14.
7Devla, Devla,
tu san mo zuralo braduimari,
tu arakhe mo zivoto kana marav man.
8Devla, na cher so mangen e bilache,
te na cheren pe piro,
na muk len te dobin.
9¡A e llene bilache kai si truial mandar,
cher te perel pe lengo soro
sa so phende te nakhav me!
10Te peren pe lende angara phabarde.
Te peren ande bare bunaria
ta te na liken lendar nikada.
11Te na zivil ios pe phuv
o lleno kai si kojamno.
Te resel o bilachipe po lleno silno
ta te zatril le.
12Me llanav kai o Del ka chinel kris
e llenenge kai si chorre ta kai trubul len.
13E llene chache ka blagosin cho anav.
¡E llene orta ka zivin tuia!
Currently Selected:
Salmos 140: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
