Salmos 141
141
Me akha dikhen pe tute
Llili katar o David.
1Devla, chuke moliv man, ¡Aide oma!
¡Asun mo avazi kana ka ikharav tut!
2Te avel mo molipe
sargo o taimano angla tute,
ta me va vazdine,
sargo iek ezgoda dini pasa e riat.#Lv 2.1-2,15-16; 5.11; 6.15; Apo 5.8.
3Devla, arak mo mui,
arak me alava kana ka dav orba.#Sal 34.13; 39.1; Pr 13.3; 21.23.
4Duriar me mislura katar o bilachipe,
na muk te perel mo lio ande ezgode bilache,
ni te besav pe sinia katar e bilache llene.
5Iek sebapi si kana dukhavel man
iek lleno chacho,
te del pe mande si sargo iek meriso lacho
kai ni dukhavel mo soro.
A me ka moliv man suako llive
te de pe llene bilache.
6E bilachenge krisaria
ka aven chudine katar e jar tele,
ta ka llanen kai me alava sea lache.
7Amare kokala si rispime
pasa o limori,
sargo kana putaren e phuv.
8Devla ta Gazda,
me akha dikhen pe tute.
Ande tute uzdiu man,
na muk man korkorre.
9Arak man katar o kojaipe kai thode mange,
Arak man katar o kojaipe
katar e bilache llene.
10Te peren e bilache isto ande piri mreza,
a me te llav angle.
Currently Selected:
Salmos 141: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
