Salmos 139
139
O Del llanel sa
Katar o lleno kai sikavel te llilaben. Llili katar o David.
1Devla, tu pinllare man
ta llane sar sem,
2tu llane kana besav ta kana ustav,
duratar tu llane so misliu man.
3Tu llane kana phirav,
ta llane kana achav,
tu llane sa so cherav.
4Mai anglal te dav orba,
tu Devla, llane so mangav te phenav.#Pr 15.11; Jer 12.3.
5Pe suako rig san truial mandar,
che va si thode upral pe mande.
6Gia baro bizaipe si tut
kai nasti resav le,
¡but baro si mange
ta nasti acharav le!
7¿Kai sai durivav tutar,
te na avav pasa cho duo?
¿Kai sai nasav,
te na avav pasa tu?
8Te likava ando miloso,
kote san tu,
te fuliava tele ando limori,
i kote san tu,
9te furiava karing likel o kham,
o te ziviva dur karing perel o kham,
10i kote cho va ka resel mande,
¡cho va o chacho ni mukel man!
11I te mangava te gurudivav
ando truniariko katar e riat,
llik e riat ka kletosarel sargo ando llive.
12O truniariko nasti guruvel man tutar
ta e riat ka kletosarel sargo ando llive
¡avela truniariko o ollivesea,
chuke sa iek si!#Jer 23.23-24; Am 9.2.
13Tu cherdan mi esnaga,
tu cherdan te cherdivav
ande me dako lli.
14Blagosiv tut
soke si but glamno so cherdan.
Soke si iek bari ezgoda ta chudiu man,
¡ta llanav kai gaia ezgoda si chachi!
15Tu dikhea sar bariola mi esnaga
kana sema gurudino ta cherdivava
ta sema khuvdo chak telal katar e phuv.
16Tu dikhea sar cherdola mi esnaga,
sa gaia ezgoda saia pisime ande cho lil.
Ta sa cherdile gia sar pisisardan len
mai anglal te cherdon.#Sal 56.8; 69.28.
17¡Ioi Devla!
gia sukar si mange che mislura,
¡sa che mislura inai len son!
18A te mangava te llinav len,
si mai but neko e chisai,
a te resava te llinav len,
llik kote pale avava tuia.#Sal 40.5; 92.5.
19¡Ioi Devla!
le o zivoto katar e bilache,
duriar mandar golen kai mundaren,
20golen kai si che dusmanura
ta kusen cho anav.
21Devla,
me murziu pe gola kai murzin pe tute
ta inai mange drago gola kai kusen tut.
22¡Murziu pe lende sa me liea!
¡Von si mange me dusmanura!
23¡Ioi Devla!
dik sar sem, dik pe mo lio,
zumav man, dik pe me mislura,#Sal 17.3; 26.2.
24dik dal llav po bilacho drom,
ta sikav mange o drom ostade.
Currently Selected:
Salmos 139: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
