Salmos 138
138
O molipe kai del fala e Devle
Katar o David.
1Devla, ka dav tut fala sa me liea,
ka llilabav chuke angla sa e dela.
2Ka dav changenchar
karing cho santo cher
te dav tut fala pala cho volipe ta chachipe,
soke thodan cho anav ta cho alav
upral pe sa e ezgode.
3Kana ikhardem tut,
tu dian man anglal,
ta bariardan mi zor.
4Sa e charura e phuviake ka blagosin tut
soke asunde e alava kai phendan.
5Ka blagosin e Devle
soke e Devleki zor si bari.
6Tu Devla san ando miloso,
ta kotar arakhe e llene kai inai barikano,
a tu durio katar e llene kai istardon.#2 S 22.28; Sal 113.5-8; Is 57.15; Lk 1.51-53.
7Kana sem brigime,
tu de man nevi zor,
inzare cho va ta bradui man
katar me dusmanura.
8¡O Del ka cherel manchar so mangel!
Devla, cho volipe si ostade.
¡Na muk so thodan tut te chere!#Flp 1.6.
Currently Selected:
Salmos 138: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
