Salmos 137
137
Pasa e paia katar e Babilonia
1Pasa e paia katar e Babilonia besaia,
ta rovaia kana daia amen golli katar o Sion.#Ez 3.15.
2Pe kasta kai si ando foro
umblavaia amare arpe.
3Ondaka, gola kai inllardea amen phangle,
gola kai lie amendar sa,
mangena te llilaba veselimaia,
¡mangena te llilaba lenge llilia katar o Sion!
4¿Sar ka llilaba llilia katar o Del
ande averengi phuv?
5¡Te bristarava tut, Jerusalem,
daboida te sukol mo va o chacho!
6¡Te lipilpe mi chib pe mo taloi
te na dava man golli tutar,
te na thovava tut, Jerusalem,
mai anglal katar murni veselia!
7Devla, de tut golli katar e Edomitura,
kai kana avilo o llive katar o Jerusalem
von phende:
¡Zatrinla, phagen llik lake barra
kai si ande phuv!#Abd 10-15.
8¡Tu, chei e Babiloniaki, ka ave zatrime!
¡Blagosime gua kai ka pochinel chuke
pala so cherdan amenge!#Jer 50.29; Apo 18.6.
9¡Blagosime gua kai ka lel che minonen
ta ka chalavel len ande barra!#Is 13.16; Os 10.14; Naj 3.10.
Currently Selected:
Salmos 137: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
