Salmos 136
136
O volipe ostade e Devleko po Israel
1Den fala e Devle, soke vou si lacho,
soke leko volipe si ostade.#1 Kr 16.34; 2 Kr 5.13; 7.3; Esd 3.11; Sal 100.5; 106.1; 107.1; 118.1; Jer 33.11.
2Den fala e Devle katar e dela,
soke leko volipe si ostade.
3Den fala e Gazda katar e gazda,
soke leko volipe si ostade.
4Kai si o edino kai cherel bare ezgode,
soke leko volipe si ostade.
5Kai cherda o miloso, pe bizaimaia,
soke leko volipe si ostade.#Jen 1.1.
6Kai buliarda e phuv upral po pai,
soke leko volipe si ostade.
7Kai cherda o kham ta o chon,
soke leko volipe si ostade:
8Kai cherda o kham te del villelo ollivesea,
soke leko volipe si ostade.
9Kai cherda o chon ta e cheraia,
te den villelo orachaia,
soke leko volipe si ostade.#Jen 1.16.
10Kai dukhada e purve chaurre katar e ejipsiura,
soke leko volipe si ostade.#Ek 12.29.#Ek 12.29.
11Kai ikanda katar o Ejipto
e foro katar o Israel,
soke leko volipe si ostade.#Ek 12.51; 14.21-29.
12Kai dia len po va o zuralo
ta pomozisarda len,
soke leko volipe si ostade.
13Kai putarda e mora e Loli
pe dui kotora,
soke leko volipe si ostade.
14Kai cherda te nakhel o Israel
po maskaral katar e mora,
soke leko volipe si ostade.
15Kai cherda te tasol o Faraon
ta leke boñikura ande mora e Loli,
soke leko volipe si ostade.#Ek 14.21-29.
16Kai inllarda pe foro katar pusto,
soke leko volipe si ostade.#Dt 8.2,15.
17Kai dukhada bare charonen
e merimaia,
soke leko volipe si ostade.
18Kai lia o zivoto
katar e bare charura,
soke leko volipe si ostade:
19e Sejone, o charo amorreo,
soke leko volipe si ostade,#Nm 21.21-30.
20ta e Oge, o charo katar o Basan,
soke leko volipe si ostade.#Nm 21.31-35.
21Kai fulada e phuvia
katar gola charura,
soke leko volipe si ostade,
22ta mukla len pe slugake e Israeleke,
soke leko volipe si ostade.
23Kai delpe golli amendar
kana inai amen zor,
soke leko volipe si ostade.
24Kai kurtulil amen
katar amare dusmanura,
soke leko volipe si ostade.
25Kai pravarel e manusen
ta sa e zivirinien,
soke leko volipe si ostade.
26¡Den fala e Devle katar o miloso,
soke leko volipe si ostade!
Currently Selected:
Salmos 136: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
