Salmos 135
135
E bare ezgode kai cherda o Del
1¡Aleluia!
Blagosin e Devleko anav,
blagosin le tumen kai sen leke sluge,
2tumen kai sen ando cher e Devleko,
ta ande sobe katar amare Devleko cher.
3Blagosin e Devle, soke vou si lacho,
llilaben leke, soke vou si posteno.
4Soke esvirisarda peke e Jakobe,
e Israele te avel leko foro.
5Me llanav kai o Gazda amaro Del
si mai baro neko sa e dela.
6O Del cherel sogo mangel,
ando miloso ta pe phuv,
pe mora ta chak telal katar e mora.
7Cherel te vazdiniaon e oblakura
katar e thana e phuviake,
cherel e esterliche te phenen amenge
kai avel o bursin,
ta ikanel e balav kotar katar guruvel la.#Jer 10.13; 51.16.
8Vou cherda te merel o purvo chaurro
katar suako familia katar e ejipsiura,
ta o mai purano katar suako zivirinia.#Ek 12.29-30.
9Po maskaral katar o Ejipto,
cherda te nakhen bare ezgode,
e Faraonoke ta leke slugenge.#Ek 12.29-30.
10Cherda te avel o meripe ande but forura.
Cherda te meren bare charura:
11O Sijon, charo katar e amorreura,
o Og, charo katar o Basan,
ta sa e charura katar o Kanaan,#Nm 21.21-35.
12ta sa lenge phuvia,
o Del mukla te achen leke foroke e Israeleke,
13Devla, cho anav si ostade,
porodo pala o porodo
ka denpe golli chuke.
14O Del krisil pe foro,#Dt 32.36.
ta si leke zalba katar pe sluge.
15E dela e phuvienge
si sunakune ta rupune,
ezgode kai e manusa cherde pe vastenchar. 16Si len mui, a ni den orba,
si len akha, a ni dikhen,
17si len kan, a ni asunen,
¡inai len zivoto!
18A sargo gola dela
si e llene kai cheren len
ta gola kai uzdinpe ande lende.#Sal 115.4-8; Is 44.9-10; Jer 10.1-16; Apo 9.20.
19Israelitura, blagosin e Devle,
popura blagosin e Devle,
20levitura blagosin e Devle,
tumen kai den liubao e Devle, blagosin le.
21¡Katar o Sion te avel blagosime o Del,
vou kai zivil ando Jerusalem!
¡Aleluia!
Currently Selected:
Salmos 135: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
