Salmos 108
108
Llili e Davideki
1Devla, mo lio mangel,
¡mangav te llilabav chuke llilia!
ta gua si mo baripe.
2¡Llungadon, arpa ta sitara!
¡Llungadon po nevo llive!
3Devla, ka blagosiv tut e llilienchar,
maskar e forura ta e phuvia.
4Soke cho volipe si mai baro neko o miloso,
ta cho chachipe resel llik kai e oblakura.#Sal 36.5.
5¡Murno Del, tu san upral po miloso,
chi zor ucharel sa e phuv!#Sal 8.1.
6Braduisar amen che zoriaia,
te sai aven mukliarde e llene kai tu voli.
¡De anglal Devla!
7O Del dia orba katar po santuario
ta phenda:
¡Veselimaia ka chinav po dopas o foro Sikem
ta ka fulavav e umal katar o Sukot!
8O Galaad ta o Manases si murne,
e challi kai ucharel mo soro si o Efrain,
o Juda si e rovli kai gazdariu laia,
9o Moab si o lelleno
kai jalavav man,
upral po Edom thovav me porrne,
pe filisteura urkiu veselimatar
soke dobisardem len!
10¿Ko ka inllarel man kai o foro zidome?
¿Ko ka sikavel mange o drom karing o Edom?
11Soke tu Devla, muklan amen,
¡ni like pale amare llenenchar kai marenpe!
12Pomozisar amen pe amaro dusmano,
soke ni mol niso o pomozipe e manuseko.
13Ande zor e Devleki
ka chera bare ezgode,
¡Vou ka ustavel amare dusmanonen!
Currently Selected:
Salmos 108: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
