Salmos 109
109
Devla, pomozisar man
Katar o lleno kai sikavel te llilaben. Llili e Davideki
1¡Ioi Devla!
De anglal kai moliv man chuke,
2soke llene kojamne ta bilache
den orbe bilache mandar,
ta so phenen mandar si kojaipe.
3Kaigo te llav asunav lenge bilache orbe,
¡den me orbe bi te avel pe mande e dos!
4Po volipe kai dav len,
von den man pe bilache orbe,
a me moliv man.
5Pochinde mange o bilachipe po lachipe,
ta pe mo volipe, den man murzania.
6Thou te krisil le iek bilacho lleno
ta te dosarel gua kai si lea,
7te phenen pe kris
ta te chinen leke kai si dosalo,
te dosarel le isto leki orba.
8¡Te na zivil but
ta aver lleno te thovelpe pe leko than!#Ech 1.20.
9¡Te achen bidadeko leke chaurre
ta leki rromi te achel phivli!#Jer 18.21; Am 7.17.
10¡Leke chaurre te aven chudine
ta te mangen esmola!
¡Te traden len katar lengo cher sa phago!
11Te lel peke sa so saia le
gua kai radil po unllilipe.
E llene kai inai pinllarde
te len letar sa o chari kai cherda.
12Te na avel zalba nikake
pala lete, ni pala leke chaurre
kai achile bi dadeko.
13Te na avel ios leko porodo,
te na denpe golli nikada katar leko anav.#Job 18.19; Sal 37.28.
14O Del te delpe golli
katar o bilachipe leke dadeko
ta te na bristarenpe nikada
katar o bilachipe leke dako,
15o Del te delpe ostade
katar leko bilachipe
ta te na delpe golli letar niko.
16Nikada ni avila leke zalba,
ta llelo pala e chorre ta e dukhade
lligo ni mundarda len.
17Leke saia drago te proketil,
¡te avel vou proketo!
Ni kamla o blagosipe,
¡daboida te na blagosin le nikada!
18Te ucharen le e armaia
sargo iek fistano,
te del ande leko lli sargo pai
ta ande leke kokala sargo zeitino,
19¡Te ucharel le sargo iek fistano
ta te chichidel le sargo iek kavisi!
20¡Gia te pochinel o Del me dusmanonenge
ta golenge kai den bilache orba mandar!
21A tu Devla, kai san mo Gazda,
cher baripe ande cho anav,
ta le man postenimaia.
¡Braduisar man,
tu san iek Del posteno
ta cho volipe si baro!
22Inai man niso ta sem dukhado,
mo lio si dukhado.
23Sumbiu man, sargo e senka
angla o villelo,
¡sem sargo e papuruga
kai chinol la e balav!#Job 8.9; 14.2; Sal 39.5-6; 102.11.
24Me changa izdran bokhatar,
sukivav soke inai man so te jav.
25¡E llene asan peke mandar!
¡Kana dikhen pe mande,
miskon po soro
ta maren mandar espurnia!#Mt 27.39; Mk 15.29.
26Pomozisar man Devla
kai san mo Gazda,
¡braduisar man,
pala o volipe kai si tut pe mande!
27Devla, te llanen e llene
kai tu cherdan gaia ezgoda.
28Ni chitilpe mange
kai den man armaia,
samo mangav te blagosi man.
Muk len ando lallao
a man veselisar man.
29¡Te achen ando lallao me dusmanura!
¡Te aven ucharde ando lallao!
30Ka dav fala e Devle suako llive
¡ka blagosiv le maskar o sueto!
31Soke vou pomozil
e llenen kai si chorre
ta braduil len
katar e llene kai dosaren len.
Currently Selected:
Salmos 109: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
