Salmos 105
105
So cherda o Del pala o Israel
1 Kr 16.8-22
1¡Den fala e Devle!
¡Chera te phinllaren leko anav!
Phenen ande forura so cherda o Del.
2Den le liubao ande llilia.
¡Den orba katar e bare ezgode kai cherda!
3¡Cheren baripe ande leko baro anav!
¡Te veselinpe e lie
katar e llene kai roden e Devle!
4Roden e Devle, ta kai leki zor
roden e Devle sa o vreme.
5Den tumen golli
katar e bare ta glamne ezgode
kai cherda,
ta katar e zakonura kai phenda,
6tumen, o porodo
katar leko sluga o Abraam,
tumen, o porodo katar o Jakob,
kai sen leke esvirime.
7¡Vou si o Gazda, amaro Del!
¡Vou gazdaril pe sa e phuv!
8I te nakhena milia porodura
ni ka bristarelpe kai dia po alav kai dia,
9o alav kai dia e Abraame,
ta e sovel kai jala e Isaakeke#Jen 12.7; 17.8; 26.3.
10ta kai chacharda sargo zakono e Jakobeke,
iek alav ostade e Israeleke,
11kana phenda:
Ka dav tut e phuv katar o Kanaan
gia sar si te le so perel tut.#Jen 28.13.
12A von sea cherricha llene,
von sea avere phuvienge,
13ta llana foro forote
ta phuv phuviate,#Jen 23.4; 47.9; Dt 26.5.
14o Del ni mukla te dukhavel len niko,
ta phenda le silnomaia e charonenge:#Jen 12.14-19; 20.1-18; 26.7-11.
15Na dodin golen kai si me esvirime
ta na dukhaven me porauken.#Jen 12.14-19; 20.1-18; Jen 26.7-11.
16Cherda te avel bok ande goia phuv,
ta zatrisarda sa lengo jape.#Jen 41.53-57.
17A bichalda angla lende e Josee,
gole kai bichindea sargo sluga.#Jen 37.28; 45.5.
18Dukhade leke porrne e lanchonenchar,
¡ta thode pe leki korr e sastrura!
19O alav e Devleko zumada e Josee,
lligo ni cherdilo so phendaia o Jose.#Jen 39.20—40.23.
20O charo kai sea tala leko va but llene,
phenda te mukliaren le,#Jen 41.14.
21ta cherda te gazdaril pe leko cher
ta pe sa so saia le,#Jen 41.39-41.
22ta gia, te sikavel ta te del bizaipe
e gazden ta e phuren.
23Mapalal avilo o Israel kai vou si o Jakob,
ta zivisarda ando Ejipto,
ande phuv katar o Kam.#Jen 46.6; 47.11.
24O Del bariarda pe foro,
ta cherda le mai zuralo neko o Ejipto.
25A o Del cherda
te murzin e ejipsiura pe leko foro
ta te cheren o bilachipe e llenenge
kai sea sluge e Devleke.#Ek 1.7-14.
26Ondaka o Del
bichalda pe sluga e Moisese,
ta e Aarone kai esvirisardaia,#Ek 3.1—4.17.
27ta von cherde bare ezgode,
cherde glamne ezgode
ande phuv katar o Kam.
28O Del bichalda iek baro truniariko,
a e ejipsiura ni thode sama pe leke alava.#Ek 10.21-23.
29Cherda rat o pai katar lenge lena,
ta mundarda e machen.#Ek 7.17-21.
30Cherda te aven zambuke
ande sa e phuv
llik ande sobe katar o charo.#Ek 8.1-6.
31O Del phenda, ta avile but makha
ta lluva kai pherde sa o Ejipto.#Ek 8.16-24.
32Cherda te delpeke krupe
ta iag pe lengo phuv.
33Zatrisarda lenge drakha#Ek 9.22-25.
ta lenge simochine#Ek 9.22-25.
¡zatrisarda e kasta katar o Ejipto!
34O Del phenda, ta avile e langoste
ta e cherme bi llinde,
35ta jale sa o zelenipe
katar e umalia
ta sa so dia e phuv.#Ek 10.12-15.
36Cherda te meren e chave e mai purane
katar suako familia ande lengi phuv,#Ek 12.29.
37a len, ikanda len pherde rup ta sunakai
ta ande lenge viche niko ni eskombaia.
38E ejipsiura veselisaile kana von lleletar
soke merena daratar lendar.#Ek 12.33-36.
39Cherda te ucharel len iek oblako
ta iag te del len villelo orachaia.#Ek 13.21-22.
40Mangle katar o Del,
ta cherda te aven te aven e chiriklia,
ta dia len marrno katar o miloso.#Ek 16.2-15.
41Putarda e pechine ta likisto o pai,
ta llelo sargo iek len po pusto,#Ek 17.1-7; Nm 20.2-13.
42soke diape golli katar po santo alav
kai dia e Abraame leko sluga.
43Ikanda pe foro veselimaia,
ande veselia pe llenenchar e esvirime.
44Dia len e phuv katar aver forura
ta lie sa o chari kai cherde aver forura,#Jos 11.16-23.
45te sai kanden so vou phenda
ta te cheren so phenen leke zakonura.
¡Aleluia!
Currently Selected:
Salmos 105: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
