Salmos 104
104
Blagosi e Devle
1¡Ka blagosiv e Devle sa me liea!
¡Gia baro san Devla, tu san mo Del!
Furiado san ando villelo ta ande zor,#Sal 103.1; 146.1.
2uchardo san ando klichipe
¡Tu buliardan o miloso sargo iek chiti!#1 Ti 6.16.
3¡Tu thodan upral pe paia
e direkura katar cho cher incha upre!
Tu chere e oblakura te cherdon cho bordon,
¡tu furia pe pakha e balaviake!
4E baliava inllaren che alava,
ta e plamekura e iagake si che sluge.#Ebr 1.7.
5Thodan e phuv upral po zuralipe
te na miskolpe nikada kotar.#Job 38.6; Sal 24.2; Pr 8.29.
6E mora e bari ucharela e phuv
sargo kana saia iek fistano.
O pai ucharela e burdura.
7A tu dian pe late, ta llelitar,
nasli oma kana asunda
o germipe katar cho avazi.
8E mora likisti pe burdura
ta fulisti pe umalia,
llelitar kote kai tu phendan lake te llal,
9llik kote kai phendan lake te na nakhel,
te na ucharel pale e phuv.#Jen 1.6-9; Job 38.8-11; Pr 8.29; Jer 5.22.
10Tu bichale o pai kai likel katar e phuv
te llal kai e lena kai fulien katar e burdura.
11Katar gua pai pien e zivirinie katar o vos,
ta lea phagen pi trus e magarchura dive.
12Pasa e lena
e chiriklia cheren pe kuibura,
¡Ta kote llilaben
maskar e krangura e kastenge!
13Tu chere te perel o pai pe burdura
katar cho cher kai si ando miloso,
cho bursin phagel e trus katar e phuv.
14Tu chere te bariol e char
te jan e zivirinie,
ta e septelie kai o manus thovel te barion,
te ikanen o marrno katar e phuv,
15o marrno kai del zor,
e mol kai veselil leko zivoto,
ta o zeitino kai cherel te klichil leko mui.
16E kasta phagen pi trus,
e sedrura katar o Libano
kai o Del thoda te barion.#Sal 65.9-13.
17Pe lende cheren pe kuibura
e chiriklia ta pe lende
thovenpe e garvanura.
18Pe bare burdura zivin e busne,
ta maskar e barra zivin e sosoia.
19Cherdan o chon te llina o vreme,
ta o kham llanel kana si te perel.#Jen 1.14-18.
20Buliare e riat sargo iek chiti,
ta ondaka liken e zivirinie te urlin ando vos.
21E lionura basen pala o mas,
mangen e Devletar te del len te jan.
22A kana likel o kham, llantar
inzon ta gurudon.
23Ondaka likel o manus te radil
ta cherel le llik kana perel e riat.
24¡Gachin ezgode cherdan tu Devla!
Sa cherdan len bizaimaia,
¡e phuv si pherdi katar e ezgode kai cherdan!
25Kote si e mora, bari ta buli,
kai si zivirinie bi llinde,
bare ta minone,
26kote llan e llimie, ta kote zivil o Leviatan
kai tu cherdan te chele tut lea.
27Saurre aduricharen tutar
te de len te jan kana ka avel lengo vreme.
28Tu de len, a von len,
putare cho va,
ta len ta chalion,
29te gurudo lendar, daran,
te le lendar o duo, meren
ta pale cherdon prajo.
30A te bichale cho duo zivotoko,
cherdon ta gia nevare e phuv.#Jen 2.7; Job 34.14-15.
31¡E zor e Devleki si ostade!
¡O Del veselilpe pala so cherda!
32E phuv izdral kana vou dikhel pe late,
¡E burdura chuden thuv kana vou dodil len!
33Sogo avava llundo,
ka llilabav llilia e Devleke
kai si mo Gazda.#Sal 146.2.
34Guglipe ka avel mange
kana ka misliu man ando Del,
soke samo vou del man e veselia.
35¡Te na aven ios pe phuv
e bilache llene!
¡Te na zivin ios e bilache!
¡Ka blagosiv e Devle sa me liea!
¡Aleluia!#104.35 ¡Aleluia! gia phenena e viche katar o Israel, ta gua si: ¡Blagosin e Devle!
Currently Selected:
Salmos 104: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
