Salmos 103
103
Ka blagosiv e Devle
Katar o David.
1Ka blagosiv e Devle sa me liea,
Ka blagosiv ande mo zivoto leko santo anav.#Sal 104.1; 146.1.
2Ka blagosiv e Devle sa me liea,
ni ka bristarav nikada
sa o lachipe kai cherel.
3Vou si kai prostil sa mo bilachipe,
vou sastarel sa me dukha,
4vou kurtulil man katar o meripe,
vou pherel man volipe ta lachipe,
5vou del man o mai lachipe
ta terniarel man sargo e agila.
6O Del krisil chachimaia
golen kai si dukhade pala o silnope.#Sal 146.7.
7Sikada pire droma e Moiseseke
ta o Israel dikhla e ezgode kai o Del cherda.
8O Del si iek Del kai volil
ta si leke zalba,
vou ni joliaol oma ta si pherdo volipe.#Sal 145.8; Stg 5.11.
9Ni del pe amende suako llive
ta leki joli inai ostade,
10ni pochinda amenge
prema amaro bilachipe,
11o volipe e Devleko
pe llene kai den le liubao
si gia baro sargo o miloso
kai si upral pe phuv.#Sal 36.5; 57.10.
12Duriarda amendar amaro bilachipe,
gia sar si dur e rig katar likel o kham
katar e rig kai perel o kham.
13O Del volil e llenen kai den le liubao
gia sar iek dad volil pe chaurren,
14soke vou llanel katar so sam cherde:
vou llanel kai sam cherde katar o prajo.
15O zivoto e manuseko si sargo e char,
sargo iek lulunllin kai likel ando vos:#Sal 37.2.
16A samo chinol la e balav, merel,
ta niko ni llanel latar ios.
17A o volipe e Devleko si ostade
pe gola kai den le liubao,
leko chachipe si ostade
pe lende ta pe lenge chaurrenge chaurre,#Is 40.6-8.
18golenge kai ni phagen e Devleko alav
ta kai ni bristarenpe
te kanden leke zakonura.
19O Del thoda po trono ando miloso,
ta vou charoil pe sa.
20¡Blagosin e Devle,
leke suechura zurale,
kai cheren so vou phenel
kana asunen leko avazi.
21¡Blagosin e Devle
sa gola kai radin leke,
ta kai cheren so vou phenel!
22¡Blagosin e Devle sogo si cherdo letar,
ande sa e thana kai vou charoil!#Sal 148.
¡Ka blagosiv e Devle sa me liea!
Currently Selected:
Salmos 103: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
