Salmos 102
102
O molipe katar iek lleno dukhado
1Devla, asun sar moliv man,
¡Muk te resel tute mo urkipe!
2Na gurudo mandar
kana ka avav ande nuzda,
¡thov mange sama ta asun man!
¡de man anglal oma kana ka ikharav tut!
3Soke mo zivoto llaltar sargo o thuv,
ta me kokala phabon
sargo iag kastengi,#Job 30.30.
4inai man zor ande mo lio
cherdilo sargo e char suki,
¡bristrailem i te jav!
5E mozga lipilpe pe me kokala
kai gachin rovav.
6Sem sargo iek puaucho po pusto,
sargo iek puaucho maskar o phagipe.
7Ni sovav.
Sem sargo iek chirikli
kai phirel korkorre upral po cher.
8Me dusmanura kusen man suako llive
ta phenen mo anav ta den lea armaia.
9Ni jav marrno, jav o prajo e iagako,
ande mo pipe aminpe me ausa
10pala chi joli ta cho silnope,
soke vazdian man ta mapalal peradan man.
11Me llivesa nakhen
sargo iek senka
sukivav sargo e char.#Job 8.9; 14.2; Sal 39.5-6; 109.23.
12A tu Devla, charoi ostade,
¡ta sa e viche ka denpe golli tutar!
13Ka uste ta ka avel chuke zalba
katar o Sion,
soke avilo o vreme,
14Che sluge volin leke barra,
ta dukhal len
soke dikhen leko o phagipe.
15Sa e phuvia ta e charura katar o sueto
ka blagosin o glamno anav e Devleko,
16kana vou ka vazdel pale o Sion
ta ka dikhen le ande leko baripe,
17o Del ka thovel sama sar molinpe
e llene kai inai len niso
ta ni ka phandel pe kan.
18Te achel pisime gaia ezgoda
e llenenge kai ka aven mai angle,
te sai blagosin e Devle
gola kai si te biandon.
19O Del dikhla pe phuv katar o miloso,
katar o than santo kote kai si vou,
20te sai asunel o roipe katar e phangle
ta te mukliarel golen
kai chinde lenge o meripe,
21ta gia ando Jerusalem,
te bariaren e Devleko anav
ta te llilaben leke ando Sion,
22kana ka chidiniaon katar sa e phuvia
te blagosin le.
23Vou lia mandar e zor po drom,
chikniarda me llivesa.
24A me phenav leke:
Murno Del,
na inllar man akana kai sem terno.
¡Chire bursa inai len son!
25Tu thodan pe po than e phuv mai anglal
isto tu cherdan o miloso.
26Sa gala ezgode ni ka aven ios,
a tu ka ave ostade.
Sa gala ezgode ka jalion sargo e patave,
¡a tu ka pharruve len ta ni ka aven ios!
27A tu nikada ni pharrudo,
che bursa nikada ni meren.#Is 51.6-8; Ebr 1.10-12.
28E chave katar che sluge
ka zivin bi darako,
ta angla tu ka zivin.
Currently Selected:
Salmos 102: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
