Salmos 101
101
O charo del po alav e Devle
Llili katar o David.
1Mangav te llilabav
katar cho o volipe ta o chachipe,
Devla, mangav te llilabav chuke llilia,
2mangav te ziviu orta.
¿Kana ka ave mande?
Ni ka avel bilachipe ande mo zivoto
ta ka avav gia i ande mo cher,
3nikada ni ka thovav me akha
pe ezgode bilache.
Murziu pe llene kai inai chache e Devlea,
¡Nikada ni ka mukav te aven pasa ma!
4Ka durivav katar e mislura bilache:
¡ni kamam te cherav ni iek bilachipe!
5Ka phandav o mui katar gola
kai den orba po chorial
katar e llene
kai zivin pasa lende,
¡nasti terpiu golen kai istardon
ta kai si barikane!
6Ka thovav me akha
pe llene kai kanden,
te zivin pasa ma,
ka radin mange
samo e llene kai si orta.
7E llene kojamne
ni ka avel len than ande mo cher
¡ni iek kojamno ni ka avel angla ma!
8Suako llive ka zatriv sa e bilachen
kai si ande phuv,
¡ka chudav katar e Devleko foro
sa e llenen kai cheren o bilachipe!
Currently Selected:
Salmos 101: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
