Proverbios 31
31
Alava kai phenda o Lemuel
1Alava kai phenda o charo Lemuel, katar e poroka kai phenda leki dei te sikavel le.
2Chaurrea murno, kai biandem tut,
chaurrea kai zeliva tut,
¿So sai sikavav tut?
3Na de chi zor kai e diskinie,
ta na lla pe ezgode kai cheren te jasaon e charura.
4Ioi Lemuel, nai prema e charura te pien mol,
ni te pien rachia gola kai gazdarin,
5soke sai bristarenpe katar o zakono
ta kai trubul te arakhen golen kai si mai chorre.
6Muk e mol ta e rachia
golenge kai si lenge zalba,
7¡te pien ta te bristarenpe
katar po chorripe ta pi nuzda!
8De orba pe kris pala sa e llene
kai inai len ko te arakhel len ta pala e phivia.
9De orba ta krisisar lenge chachimaia,
arak golen kai si chorre ta kai trubul len.
10E diskinia lachi ¿Ko ka malavel la?
¡mol la mai but neko e barra mai kuch!
11Lako rrom uzdilpe ande late
ta nikada ni ka achel bi lovenchar.
12Pe rrome del bari dragostia
suako llive katar po zivoto.
13Rodel e bal e bakrenge ta o lino
ta lenchar cherel ezgode sukar pe vastenchar.
14Sargo iek llimia kai anel ezgode katar aver phuvia,
isto gia voi anel duratar so chinda te chiravel.
15Voi ustel mai anglal te likel o kham
ta del te jal pe familia ta pe slugen.
16Rodel iek umal ta chinel la
ta pe lovenchar thovel te bariol e drak.
17Voi si zurali
ta cherel zor pe vastenchar.
18Arakhel o rado kai cherel
ta sorro riat pale radil.
19Isto pe vastenchar
cherel thava ta khuvel len.
20Suako drom pomozil
golen kai si chorre ta golen kai trubul len.
21Ni daral pe familiake kana perel o iv
soke pe lende si patave thule.
22Isto voi cherel pe chitura,
ta lake patave si cherde katar o lino mai kuch.
23Lake rrome pinllaren le pe udara e foroke,
kana besel e phurenchar katar o foro.
24Voi cherel chitura ta kavisa
ta bichinel golenge kai radin ande patave.
25Voi si zurali ta inai barikani,
ta ni breigilpe katar so ka avelpe thiara.
26Del orba bizaimaia,
ta ande lako mui si o sikadipe katar e zalba.
27Suako drom dikhel sar llal lako cher,
ta jal o marrno kai voi radisarda te lel le.
28Lake chaurre usten ta blagosin la,
ta i lako rrom blagosil la ta phenel:
29Si but diskinie lache,
a tu san e mai lachi katar sa e diskinie.
30O sukaripe si kojamno
ta sargo iek suno so si sukar,
a e diskinia kai del liubao e Devle
si te avel blagosime.
31¡Den la katar e ezgode kai cherda!
¡te blagosin la pe udara e foroke
e ezgode kai cherda!
Currently Selected:
Proverbios 31: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
