Eklesiastes 1
1
Sa e ezgode ni mol len niso
1Gala si e alava katar o lleno kai sikavel, chavo katar o David charo ando Jerusalem.
2Gia phenel o lleno kai sikavel:
¡Ni mol niso!
¡Sa ni mol le niso ta jasaol!
3¿So dobil o manus
kai gachin radil pe gaia phuv,
ta trudilpe telel katar o kham?
4Nesave biandon, a aver meren,
a e phuv achel isto gia.
5O kham likel ta o kham perel,
ta sigarel te likel pale.
6E balav phurdel karing o sur
ta boldel katar o norte
llal ta avel, ta pale boldel.
7Sa o pai llal kai e mora,
a e mora ni pherdol,
o pai irilpe pale kote katar likisto
ta pale llal isto kotar katar nakho.
8Niko nasti phenel
gachin chiniaren gala ezgode,
nikada ni chinion e akha te dikhen
ni e kan te asunen.
9So avilape si isto so ka avel,
ta so saia cherdo si isto so ka cherdol,
¡niso inai nevo pe phuv!
10¿Sai phenel amenge vareko:
Gaia ezgoda si nevi?
Nasti, soke goia ezgoda
cherel but burs kai saia pe gaia phuv.
11Bristarde si e ezgode kai nakhle
ta i e ezgode kai si te aven ka bristaren len
gola kai ka aven mapalal.
So nakhel o lleno kai sikavel
12Me, o lleno kai sikavel, sema charo katar o Israel ando Jerusalem, 13ta thodem sa mo bizaipe te prezou ta te sikivav katar sogo cherdol pe gaia phuv. Gava rado dia le o Del e manusenge, te sai thoven leke sama. 14Dikhlen sa so cherdol pe phuv, ta sa ni mol le niso ta dukhavel o zivoto.
15So si bango nasti ortolpe, ta so inai pherdo nasti llindol.
16Me phendem me mange:
Gia glamno sem ta gia barilem ando bizaipe. Me sem mai bizai neko sa ogola charura kai sea omanglal ando Jerusalem, ta sem but bizai ta llanglo. 17Ta thodem man te pinllarav o bizaipe, ta te llanav so si o dilipe, ta sikilem kai i gala ezgode dukhaven o zivoto.#1 R 4.29-31. 18Soke so mai but sikol o manus, ios mai but inai leke drago so sikol, ta ko lel mai but bizaipe, lel mai but duk.
Currently Selected:
Eklesiastes 1: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
