Proverbios 29
29
1O lleno kai den pe lete ta ni kamel te acharel,
oma ka avel zatrime ta ni ka avel le drab.
2Kana dobin e chache o sueto veselilpe,
a kana e llene bilache gazdarin, o sueto dukhadol.
3O chaurro bizai veselil pe dade,
a gua kai llal e kurvichkenchar chudel e love.
4O charo pe krisaia chapenil e foro,
a gua kai samo mangel te pochinen leke zatril le.
5Ko blagosil but pe amale
gua si soke thovel iek kojaipe pe leko drom.
6O lleno bilacho ka perel isto ande pokojaipe,
a o chacho ka llilabel ta ka veselilpe.
7O chacho llanel so mangen e chorre,
a o bilacho ni acharel niso.
8E llene balave cheren burkania ando foro,
a e llene bizai achaven e joli.
9O lleno bizai te jalape iekhe dilea
joliaola o asala ni ka lacharel niso.
10E llene kai mundaren
inai lenge drago e llene orta
a e llene chache roden lange o lachepe.
11O dilo cherel sa e joli kai si ande leko lio,
a o bizai achavel pi joli.
12Kana iek charo thovel sama po kojaipe
sa gola kai radin leke ka cherdon bilache.
13O chorro ta gua kai lel chari pe lete,
e duien o Del cherel len te zivin.#Pr 22.2; Mt 5.45.
14O charo kai gazdaril pe chorre chachimaia,
leko trono si zuralo ostade.
15Iekhe kastea ta e orbaia sikadol o bizaipe,
a o chaurro kai cheren sa pe leko si o lallao pe dako.
16Kana si but llene bilache, si but bilachipe,
a e llene chache ka dikhen lengi zatrania.
17De pe cho chaurro ta ni ka del tut ni iek briga
ta ka cherel te ave but veselo.
18Kana inai e poroka e Devleki
o foro ni llanel so ka cherel,
¡blagosime e llene
kai cheren so phenel o zakono e Devleko!
19O sluga ni ortolpe e alavenchar,
soke acharel ta ni kandel.
20Mai but sai adurichare katar iek lleno dilo
neko katar iek balavo kai ni mislilpe so phenel.#Pr 26.12.
21Gua kai arakhel but pe sluga sar kana saia minono,
mapalal ka achen e slugake sa leke ezgode.
22O lleno silno vazdel e chingar,
cherel te marenpe ta kojadol ande but ezgode.
23O lleno barikano ka avel thodo ando lallao,
a o lleno kai lallal ka den le liubao.#Mt 23.12; Lk 14.11; 18.14.
24Gua kai si zanio katar o chorano
murzil pe po zivoto,
soke asunel kai si proketo ta ni phenen niso.
25E dar e manuseki kojavel,
a o lleno kai uzdilpe ando Del ka avel blagosime.
26But llene roden te volil len o charo,
a o Del si kai chinel e kris suakoneke.
27E llene chache nasti terpin e bilachen,
ta e bilache nasti terpin e llenen kai llan orta.
Currently Selected:
Proverbios 29: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
