Proverbios 28
28
1O lleno bilacho nasel a niko ni llal pala le,
a e chache zivin esmiro sargo iek liono.
2Kana o foro ni kandel but llene gazdarin,
a pala iek lleno bizai o foro llal sukar.
3O lleno bilacho kai dukhavel e chorren
si sargo o baro bursin kai muril so o lliu.
4Gola kai muken o zakono blagosin e bilachen,
a gola kai kanden o zakono janpe lenchar.
5E bilache ni llanen so chi o chachipe,
a gola kai roden e Devle acharen suako ezgoda.
6Mai preche si te ave chorro ta chacho
neko barvalo ta te lla bangimaia.#Pr 19.1.
7Ko kandel o zakono si iek chaurro bizai,
a ko llal golenchar kai jan but mukel ando lallao pe dade.
8Ko chidel love po unllilipe
ta lel mai but neko so saia te lel,
leke love ka achen goleke kai si leke zalba katar e chorre.#Ek 22.25; Lv 25.35-38; Dt 15.7-11; 23.19-20.
9Ko ni kamel te asunel o zakono e Devleko,
o Del ni ka asunel leko molipe.
10Ko jasarel e lachen po bilacho drom,
ka perel isto ande po kojaipe,
a e llene kai si chache ka len o mai lachipe.
11O barvalo mislil kai si o mai bizai,
a o chorro kai si bizai llanel sar si andral.
12Kana dobin e chache si bari veselia,
a kana dobin e bilache sa e llene gurudon.#Pr 28.28.
13Ko ni guruvel po bilachipe ni ka llal leke sukar,
a ko phenel po bilachipe ta mukel le ka avel prostime.
14Blagosime o lleno kai del liubao e Devle,
a gua kai zuriavel po lio ka zatrilpe.
15O lleno bilacho kai gazdaril pe iek foro chorro
si sargo iek liono kai basel o iek melledo bokhalo.
16O kralio dilo ios mai dukhavel e foro
a gua kai ni cherel but pe love ka zivil mai but.
17O lleno kai mundarda vareka
ka nasel lligo ni ka perel ando limori,
¡Te na pomozil le niko!
18Ko llal orta ka avel braduime,
a o bilacho ka perel ande belava.
19O lleno kai radil pi umal vise guruvel o jape,
ko jasarel o vreme e llenenchar pherdol chorripe.
20O lleno chacho ka avel but blagosime
a gua kai sigarel te barvaol ni ka achel bi dosako.
21Inai sukar te muke pe iek rig nika,
llik pe iek kotor marrno sai chere o bilachipe.
22O jamllalo sigarel te barvaol,
a ni llanel kai ka avel pe lete o chorripe.
23Ko del pe llene te sikon mapalal mai volin le
neko gole kai samo blagosil.
24O lleno kai chorel pe dade ta pe da
ta phenel kai gua inai bilachipe
si amal katar e kochkaria.
25O lleno kai zelil but ezgode, cherel e chingar,
o lleno kai uzdilpe ando Del ka avel blagosime.
26Ko uzdilpe samo ande so mislil si dilo,
a ko llal bizaimaia ka avel braduime.
27Ko del e chorre si inai chorro,
a ko ni thovel leke sama ka avel proketo.
28Kana e bilache vazdiniaon e llene gurudon,
a kana e bilache llene meren,
e llene chache dikhon pe suako rig.#Pr 28.12.
Currently Selected:
Proverbios 28: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
