Proverbios 27
27
1Na cher baripe ande so ka avelpe thiara
soke ni llane so anel suako llive.#Stg 4.13-16.
2Inai sukar te fali tu tut
muk te falin tut aver llene.
3E barra ta e chisai si phare,
a mai phari si e dileki joli.
4E joli si bilachi ta zatril,
a e murzania ko sai achavel la.
5Mai lache si te sikave varaka chachimaia
neko te guruve cho volipe.
6Mai lache si te dukhavel tut cho amal
neko te chumidel tut cho dusmano.
7O lleno chalio ni kamel te jal o aullin,
a o bokhalo i o cherkipe si leke guglo.
8Sargo iek chirikli kai furial dur katar po kuibo,
isto gia si o lleno kai si dur katar pi phuv.
9O zeitino ta o meriso veselin o lio
a e sukar orba katar iek amal gugliarel o zivoto.
10Nikada na de e zea kai che amal
ni golen kai si amal katar cho dad.
Na inllar chi nuzda
kai che phlaleko cher.
Mai lache si iek amal pasa
neko o phlal dur.
11Trubul te ave bizai chaurrea ta ka veseli man,
gia sai ka de pe llene kai kusen man,
12O bizai dikhel e dar ta ni nakhel kotar,
a o dilo dikhel e dar ta nakhel e duk.#Pr 22.3.
13Ko achel lacho po unllilipe avereko
le letar leke patave ta achav len tute pala o dugo.#Pr 6.1-5; 20.16.
14Ko phenel sar san urkindo pe amaleke
kana pharron e zore,
gua si sargo te kusel le.
15E diskinia kai si balavi,
si sargo kana delpeke ta thavdel ta ni achel.#Pr 19.13.
16Te achave la si sargo te achave e balav
o te istare o zeitino ande cho va.
17O sastri ortolpe avere sastrea
a e manuse ortol le leko amal.
18Ko arakhel o kas e simochinengo
jal katar e simochine,
a ko arakhel pe gazda ka avel blagosime.
19Gia sar dikhe tu tut pe iek geldala
gia dikhe e llenen ande cho mislo.
20O meripe ta o limori nikada ni chalion
isto gia o manus ni chaliol katar so dikhel.
21Ande iag zumadol o rup ta o sunakai,
a o manus zumadol kana blagosin le.#Pr 17.3.
22I te drobo le pe milia kotora
o dilo ni mukel po dilipe.
23Trubul te llane sar si suako iek katar che bakre,
brigisao pala che stoke,
24soke ni o barvalipe ni e korona
ni achen ostade.
25Kana ka bariol e char, ta ka dikhol o zelenipe.
Ta kana ka chiden e char suki po burdo,
26katar che bakrenge bal ka chere patave,
che busnorre ka den tut love te chine umalia,
27ta che busnia ka den thud
te pravare tut che familia
ta golen kai radin chuke.
Currently Selected:
Proverbios 27: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
