Proverbios 26
26
1Inai sukar te perel o iv ando milai
ni te delpeke kana chiden o lliu
ni te den liubao iekhe dile.
2Sargo e chirikliorra kai llan jasarde
gia llal e prokestia
ta ni resel ninde kana inai dos.
3E graste morabi te sikave le
e magarcho morabi te achave le
a e dile morabi te chalave le.
4Na de anglal e dileke prema leko dilipe
soke ka ache dilo sargo vou.
5De anglal e dileke pe leko dilipe,
te na mislil kai si bizai.
6Ko bichalel iekhe dile te inllarel iek poroka,
si sargo te chinel pe porrne ta te rodel e nuzda.
7Ni llal but dur iek lleno kai phirel bango
ni e orba bizai kai phenel la iek dilo.
8Sargo te phande o barr pe onda,
isto gia si te de liubao iekhe dile.
9Sargo e karrne ando va e matarneko,
isto gia si e orba bizai ando mui e dileko.
10Sargo iek lleno kai chudel e llide,
isto gia si o lleno kai thovel iekhe dile te radil ande po cher.
11Gia sar o llukel irilpe kai po chadipe,
isto gia o dilo irilpe kai po dilipe.#2 P 2.22.
12Mai but sai adurichare katar iek dilo,
neko katar iek lleno kai istardol but bizai.#Pr 29.20.
13O leno te na radil phenel:
Iek liono llal mukliardo
ta rodel po drom so ka jal.#Pr 22.13.
14O udar boldiniaol po sastri
a o leno boldiniaol po kerveto.
15O leno inzarel po va te lel o jape,
a si leke but rado te inllarel o jape ande po mui.#Pr 19.24.
16O leno si vou peke mai bizai
neko efta llene kai den orbe bizai.
17Ko amilpe ande avereki chingar
si sargo te istarel iekhe llukele katar e kan.
18Sargo iek dilo kai chudel
llide phabarde kai mundaren,
19isto gia si gua kai kojavel pe amale
ta mapalal phenel kai cherela perasa.
20Kana i achen kasta merel e iag,
ta kana inai bune achel e chingar.
21E angara ta e kasta phabaren e iag
a o lleno kai jalpe phabarel e chingar.
22E bune katar o lleno kai inllarel e orbe
si sargo o jape guglo,
kai del andre ando lli.#Pr 18.8.
23E alava gugle katar o kojamno
si sargo iek piri chikaki uchardi ando rup.
24Ko murzil ni achardol leke ande orba
a andral mislilpe te cherel o bilachipe.
25Kana ka del tuia orba postenimaia na pacha le
soke but bilachipe si ande leko lio.
26I te mangela te guruvela pi joli,
angla e llene ka ikanel katar po lio sa pi joli.
27Ko anavel ande phuv isto vou ka perel endre,
ko taulil iek barr ka perel pe lete.
28O kojamno murzil pe gola kai dukhada,
o lleno kai blagosil kojaimaia rodel e nuzda.
Currently Selected:
Proverbios 26: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
