Proverbios 25
25
Duito alava bizai katar o Salomon
1I gala si e alava bizai katar o Salomon, kai pisisarde len pale e llene katar o Ezekias, charo katar o Juda.
2Baripe e Devleko si te guruvel iek ezgoda,
a blagosipe e charoko si te dikhel so si andre.
3Chak upre ando miloso,
chak andre ande phuv
ta ando lio katar e charura
nasti delpe andre ande lende.
4O lleno kai radil o rup bilavel le,
chistol le ta cherel letar eik ezgoda but sukar,
5ikan e bilache llene kai radil e charoke,
ta leko trono ka avel zuralo ando chachipe.
6Na bariar tu tut angla o charo,
ta na thov tut po than katar e glamne llene,
7Soke mai sukar si te ikharen tut upre,
neko te ja lallao angla o charo.#Lk 14.8-10.
So dikhea che akhenchar
8na sigar te inllare le pe kris,
soke aver lleno sai phenel kai kojave
ta ni ka llane so te chere.
9De anglal goleke kai dosarel tut,
a na phen e ezgode kai guruvel aver lleno,
10soke vareko sai asunel ta ka mukel tut ando lallao
ta nasti ka le tutar chi bilachi viasta.
11E alava kai phendon orta po vreme
si sargo phabaia sunakune marde ando rup.
12Sargo angrusti ta sinlliri sunakune,
si kana den po lleno kai llanel te asunel.
13O lleno bichaldo kai si chacho pe gazdake
si sargo o iv ande iek llive kai cherel tatipe,
soke del nevi zor pe gazda.
14Sargo balav ta oblakura kai ni anen bursin,
gia si e llene kai falinpe kai den
a ni cheren le nikada.
15Terpisar ta ka achave e joli,
e alava gugle phagen e zor.
16Te maladan aullin na ja but,
soke sai cherel tut te chade le.
17Te llelan kai cho amal, na cher le but droma,
soke sai chiniol tutar ta ka murzil pe tute.
18Pulso, jarni, llida kai pusavel,
gia si ko del orba kojamni katar po amal.
19Te uzdi tut ande iek kojamno kana si nuzda,
si sargo iek porrno estuknime o iek dand phago.
20Te llilabe e lleneke kai si dukhado
si sargo te thove mol sukli pe iek chindipe
o te ikane che patave tutar kana cherel sil.
21Te si bokhalo gua kai murzil pe tute de le te jal,
a te si trusalo de le te piel pai,
22gia ka chere te phabol lallaimatar
ta o Del ka pochinel chuke.#Ro 12.20.
23E balav katar o norte anel o bursin,
e orbe kojamne anen e muia gorchome.
24Mai preche si te zivi pe iek rig upral po cher,
neko ando baro cher
iek baro cher iekhe diskiniaia balavi.#Pr 21.9,19.
25Sargo pai sudro ando mui trusalo
gia si e lachi viasta
kai avel katar aver phuvia.
26Sargo o pai kai likel katar e phuv ta meliaren le,
gia si o chacho kai perel
angla o lleno bilacho.
27Inai sukar te ja but aullin,
ni te rode cho blagosipe inai blagosipe.
28Sargo iek foro kai inai le zidura te arakhen le,
gia si o lleno kai nasti achavel vou pe.
Currently Selected:
Proverbios 25: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
