Proverbios 24
24
- 19 -
1Na joliao pala so si e bilachen
ta na mang te ave lenchar,
2soke lengo lio mislilpe ando choripe,
ta den orbe bilache.
- 20 -
3Llanglimaia cherdol o cher,
bizaimaia thodon e zidura,
4Bizaimaia phere leke sobe
katar suako barvalipe ta sukaripe.
- 21 -
5O manus bizai si zuralo,
o llanglo si le zor.
6Soke bizaimaia ka lla te mare tut
ta pala e orbe bizai kai sikaven ka dobi.#Pr 11.14.
- 22 -
7O dilo ni llanel so ka phenel pe kris,
ni putarel po mui angla o udar.
- 23 -
8Ko mislilpe te cherel o bilachipe,
llal leki viasta kai si bilacho.
9E mislura e dileke si o bilachipe,
¡niko nasti terpil e bilache llene!
- 24 -
10Te avea leno ando llive kai si te radi,
chi zor si but minoni.
- 25 -
11Braduisar golen kai chinade lenge o meripe,
ikan katar e nuzda golen kai si te mundaren len.
12I te phenea kai ni llanea niso,
gua kai krisil e mislura
ta llanel so si ande amare lie,
vou pochinel suakoneke prema so cherel.#Job 34.11; Sal 62.11-12; Jer 17.10; Ez 18.30; 33.20; Mt 16.27; Ro 2.6.
- 26 -
13Ja chaurrea o aullin,
ja o guglipe katar o kuibo e binduvorengo.
14Isto gia gugle ka aven chuke
o bizaipe ta o llanglipe
te maladan len ka le so perel tut
ta ni ka jasare nikada so adurichare.#Pr 23.18.
- 27 -
15Nikada na misli te chere o bilachipe
e lleneke kai si chacho,
ta na phag so si ande leki chara,
16soke i te perel efta droma,
pale ka ustel,
a e bilache llene ka peren ando bilachipe.
- 28 -
17Na asa kana cho dusmano perel,
kana ka eskombal te na veselilpe cho lio,
18soke o Del ka dikhel ta ni ka avel leke drago,
ta ka lel pi joli letar.
- 29 -
19Na murzisar pe llene bilache
ta te na avel chuke joli pala e bilache,#Sal 37.1.
20soke inai lacho o son katar o bilacho,
ta e memeli katar e bilache llene ka merel.
- 30 -
21De liubao e Devle ta e charo,
na lla e llenenchar kai pheruven po mislo,
22soke lengi zatrania ka avel oma,
ka avel pe lende ta i pe tu,
¿ta ko llanel so sai avelpe?
23I gala si alava kai phende e bizai:
Inai sukar pe iek kris,
te thoven sama iekhe lleneke a ogoleke iok.
24Ko krisil e kojamne ta phenel kai si chacho,
sa e phuvia ta e forura ka murzin pe lete,
25a gola kai dukhaven gole kai si dosalo
ka zivin vesele ta ka len baro blagosipe.
26Sargo iek chumidipe pe us
si o lleno kai del anglal chache orbaia.
27Lachar chi buchi pe droma
ta cher cho rado ande umalia,
ta mapalal ka vazde cho cher.
28Na de orba kojamni
katar o lleno kai zivil pasa tu
ta na phen kai si chachipe iek kojaipe.
29Na phen nikada kai ka ikane chi duk,
o kai ka pochine gia sar cherde chuke.
30Nakhlem pasa e umal katar o leno
ta pasa e umal e drakhenge katar o dilo,
31ta ande sa goia umal barile e karrne,
ta e barra katar e bar sea peradine.
32Gaia ezgoda gurudem la ande mo mislo,
dikhlem ta sikilem gaia ezgoda:
33Kana tu le te sove ta phanglion che akha
ta khuve che va te sove mai sukar,
34o chorripe ka avel pe tute
sargo iek chudino.
Currently Selected:
Proverbios 24: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
