Proverbios 23
23
- 6 -
1Kana iek lleno glamno ka besel tuia pe sinia,
dik bizaimaia so si angla tute,
2te san but bokhalo
terpisar chi bok,
3na zelisar lengo sukar jape
soke pala o jape sai kojado.
- 7 -
4Na trudisao te ave barvalo,
na thov chi briga pe goia ezgoda.
5Dik po barvalipe ta ka achare
kai ni mol le niso, soke llaltar sargo iek agila,
barion leke pakha ta furial.
- 8 -
6Na bes pe sinia iekhe llenea kai si lakomo,
ta na zelisar leko jape
7soke vou si sar si leko lio,
phenel chuke:
Ja ta pi, a ni phenel le e liea.
8Ka chade leko jape ta ni ka mol len niso
e sukar alava kai phendan leke.
- 9 -
9Na de orba e dileke, soke ka asal peke
katar e alava bizai kai phene leke.
- 10 -
10Na bariar chi umal e purani
ta na le iek kotor katar umal e bidadengi.
11Soke gua kai arakhel len si zuralo,
ta ka chinel lenge kris pe tute.
- 11 -
12Thou che mislura ando sikadipe
ta asun o bizaipe.
- 12 -
13Na muk te sikave e terne,
soke ni ka merel te chaladan le e kastea.
14Ka chalave le e kastea
ta ka bradui le katar o meripe.
- 13 -
15Chaurea kana ka rese te ave bizai
ka veselilpe mi lio.
16Ka avel mange iek dragostia but bari
kana ka de orbe chache.
- 14 -
17Na zelisar e ezgode katar e bilache
mai sukar achi sorro llive ando liubao e Devleko.#Sal 37.1-4.
18Ta gia ka rese te ave veselo
ta ni ka zatrilpe so adurichare.#Pr 24.14.
- 15 -
19Thou sama chaurrea ta sikiu,
ta ortosar che mislura pe cho drom.
20Na lla e matarnenchar,
ni golenchar kai izdran po jape,
21soke e matarne ta e bokhale ka chorraon,
ta o leno llal furiado ande dronie.#Dt 21.18-21.
- 16 -
22Thou sama che dadeke kai cherda tut,
ta na muk che da kana ka phuriol.
23Chin o chachipe, o llanglipe,
o sikadipe, o bizaipe ¡ta na bichin len!
24O dad veselilpe ande po chaurro lacho
ta drago leke kai si o dad katar iek chaurro bizai.
25Te avel dragostia che dadeke ta che dake,
ta te veselinpe soke die tut o zivoto.
- 17 -
26Chaurea de man cho lio
ta dik pe me droma.
27Iek bari jar si e kurvichka,
iek bunari tanguno si e diskinia avereki.
28Gurudol ta prezol sargo iek kochkari,
ta cherel te jasaon but murusa.
- 18 -
29¿Ko nakhel nuzda? ¿Ko nakhel duk?
¿Ko marelpe? ¿Ko rovel?
¿Ka chalaven a inai dosalo?
¿Kake akha si ande modriche?
30Gola kai si matarne
ta roden te amin iek mol ande aver.
31Na dik pe mol kana loloil
ta dikhol sukar o lolipe ando taso.
Ta gia sukar nakhave le poloke,
32a mapalal dandarel sargo iek sap,
ta dukhavel.
33Ka dikhe ezgode kai ni dikhlan nikada
ta ka de orbe bilache.
34Ka ave zalime sargo ande mora
sargo kana san upre po kas katar e llimia.
35Ta ka phene:
Chalade man a ni dukhaia man
marde man a ni achardem niso,
kana ka llungadivav pale ka rodav e mol.
Currently Selected:
Proverbios 23: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
