Proverbios 22
22
1O lacho manus mai mol le
neko o rup ta o sunakai.
2Maskar o barvalo ta o chorro si iek ezgoda,
kai o Del cherda e duien.#Pr 29.13.
3O lleno bizai dikhel o bilachipe ta gurudol,
a e dile nakhen ta len e duk.#Pr 27.12.
4Ko inai barikano ta del liubao e Devle,
ka lel barvalipe, liubao ta zivoto.
5Po drom e bilacheko si ezgode kojamne,
a ko arakhel po zivoto ka duriol lendar.
6Sikav e minone ande leko zivoto,
ta ni ando po phuripe ni ka bristarel so sikilo.
7O barvalo gazdaril pe chorre,
ta ko si unllile si sluga katar gua kai dia le.
8Ko thovel ande phuv e simicha katar o bilachipe,
ka bariol leke e zatrania,
ta o kas katar leko joli ka phagol.
9Ko dikhel pe aver lachimaia ka avel blagosime,
soke dia marrno e chorre.
10Trade gole kai kusel ta e chingar ka llaltar
ta niko ni ka jalpe ta ni ka marelpe.
11O charo volil gole kai leko lio si chisto,
ta o lleno kai del orba sukar si leko amal.
12O Del dikhel po bizai,
a cherel te na acharen e bilache.
13O leno phenel kai po drom si iek liono,
ta kai ka jal le te llelo avri.#Pr 26.13.
14E us katar e diskinia avereki si iek baro bunari,
o lleno kai o Del ka joliaol pe lete ka perel andre.
15E terne mislinpe ezgode dile,
a iekhe kastea ortonpe gola mislura.
16Ko barvaol pe duk e chorreki,
o ko del e barvale, ka chorraol.
E tranda orbe katar e llene bizai
17Thou sa e sama pe orbe e bizaienge,
mislisao ande so sikavav tut.
18Soke ka avel chuke drago
te guruve len ande cho lio
ta te phene len iek pala aver.
19Allive phendem len i chuke
te sai uzdi tut ando Del.
20Me pisisardem chuke tranda orbe
kai sikaven tut ta den tut bizaipe,
21te sai pinllare o chachipe katar e alava chachune,
ta te inllare alava chachimake
e llenenge kai bichalde tut.
- 1 -
22Na chor e chorre soke si chorro,
ta na dukhav le pe kris.
23Soke o Del ka krisil lenge,
ta ka lel o zivoto katar gola kai choren len.
- 2 -
24Na cher tut amal katar o silno
ta na lla e lenenchar kai joliaon oma,
25soke sai siko lendar o bilachipe
ta sai thove cho zivoto po meripe.
- 3 -
26Nikada na de cho alav
te ache lacho po unllilipe avereko,
27soke te inai tut sar te pochine
ka len tutar i cho kerveto.
- 4 -
28Na cher mai bari e umal
kai phangle che papura.#Dt 19.14; 27.17; Pr 23.10; Os 5.10.
- 5 -
29Ko cherel sukar po rado
ka radil e charonenge
ta ni ka radil fikake.
Currently Selected:
Proverbios 22: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
