Proverbios 21
21
1Sargo o pai katar iek len
si e mislura e charoke ande va e Devleke,
ta inllarel le kote kai o Del mangel te llal.
2O manus mislil kai si sukar sa so cherel,
a o Del si kai krisil leke mislura.#Pr 16.2.
3Te ave chacho ta te chere o chachipe
e Devleke si mai drago neko te de kurbanura.#1 S 15.22; Pr 15.8; Am 5.22-24; Os 6.6; Mt 9.13.
4O baripe, o istardipe,
ta o mislo e bilachengo, gala ezgode si bilachipe.
5O lleno kai mislinpe liken leke sukar e ezgode,
a ko sigarel, sogo cherel chorravel le.
6E love kai lenpe kojaimaia, ni mol len niso
e llenenge kai rodel o meripe.
7E bilache isto lengo silnope ka zatril len,
soke ni kamen te aven chache.
8O drom e bilacheko si bango ta darano,
a e ezgode kai cherel o manus chisto si orta.
9Mai lache si te zivi pe iek rig upral po cher,
neko ande iek baro cher iekhe diskiniaia balavi.#Pr 25.24.
10O bilacho samo mislilpe te cherel o bilachipe,
nikada ni dikhel lachimaia pe aver lleno.
11Kana dukhaven gole kai istardol,
gua kai ni llanel bizaol,
A kana den po bizai sikol bizaipe.#Pr 19.25.
12O Del o chacho dikhel po cher e bilacheko,
ta zatril e bilachen.
13O lleno kai ni asunel o molipe e chorreko,
i vou ka mangel ta niko ni ka asunel le.
14Iek ezgoda dini po chorial,
achavel e joli ta o silnope.
15O chachipe veselil e chache,
a gua kai cherel o bilachipe zatril le o chachipe.
16O lleno kai duriol katar o bizaipe,
ka merel.
17O lleno kai rodel e sinia, e mol, ta o meriso,
nikada ni ka aven le love.
18O kojamno ta bilacho ka pochinel
po than katar o chacho ta orta.
19Mai lache si te zivi po pusto
neko iekhe diskiniaia kai joliaol ta balavil.
20Barvalipe ta zeitino si ando cher e bizaieko,
a o dilo jal sa so si le.
21Ko llal pala o chachipe ta pala e zalba
ka malavel o zivoto o chachipe ta o liubao.
22O bizai del te marelpe ando foro o zuralo,
ta peravel lenge zidura kai arakhena len.
23Ko arakhelpe ande orbe kai del
nikada ni thovelpe ande nuzda.
24Barikano ikhardol gua kai cherel baripe
ta istardol ande ezgode barikane kai cherel.
25E ezgode kai zelil o leno mundaren le,
soke leke va ni kamen te radin.
26Sorro llive zelil e ezgode,
a o chacho del ta ni achavel peke niso.
27O del ni terpil o kurbano e bilachengo,
soke cheren le ande iek mislo bilacho.#Pr 15.8.
28O lleno kai kojavel pe iek orba ka avel zatrime,
a ko llanel te asunel sai ka del orba.
29O lleno bilacho cherel pe kai inai le nuzda,
a o lacho lacharel po zivoto.
30Angle o Del ni mol niso
o bizaipe, ni o llanglipe.
31O manus lacharel pe graste te llal te marelpe,
a o Del si kai cherel le te dobil.#Sal 20.7.
Currently Selected:
Proverbios 21: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
