Proverbios 20
20
1E mol cherel e manuse te mare espurnia,
e rachia matarel le,
kogo perel pe lende inai bizai.
2Iek charo joliariko si sargo o liono kana basel,
ko joliavel le thovel po zivoto po meripe.
3O baripe e manuseko si te achavel e chingar,
a varesavo dilo sai cherel te marenpe.
4Kana si o vreme te radilpe e phuv
o leno ni cherel le,
a kana ka chiden so dia e phuv
vou rodel so te jal ta ni malavel.
5Ande mora katar e mislura jasaon e orbe bizai,
a o manus llanglo malavel len.
6But llene phenen kai von si postene,
a nasti uzdi tut ande ni iek.
7O lleno orta zivil ando chachipe,
¡Blagosime ka aven leke chaurre mapalal letar!
8Iek charo besel po trono e krisako,
samo kai dikhel achavel sa o bilachipe,
9Niko nasti phenel:
Chistosardem mo lio,
ta inai man ni iek bilachipe.#Sal 51.3-5; 1 Jn 1.8.
10Phariadipe kojamno ta pharipe kai kojavel
si e dui ezgode kai e Devleke inai drago.
11I prema so cherel iek terno
pinllardol dal llal orta pe po zivoto.
12E kan kai asunen ta e akha kai dikhen,
e duien cherda o Del.
13Na de tut ande lindri te na chorrao,
achi llungado ta ka avel tut but jape.
14O lleno kai chinel phenel:
Inai lachi gaia ezgoda,
a kana chinel la ta avel chere
blagosil vou pe.
15Mai preche si e orba bizai
neko ni iek sukaripe sunakuno.
16Katar o lleno kai achel lacho
pe avereko unllilipe
le letar leke patave ta achav len tute pala o dugo.#Pr 6.1-5; 27.13.
17E manuseke o kojaipe si sargo sukar jape,
a mapalal ka avel leke sargo te jal e chik.
18E mislura ortonpe anda iek orba bizai,
Ta mai anglal te llalpe po maripe
mislinpe sar ka cheren le.
19O lleno kai inllarel e bune nasti terpil,
na lla ninde e llenenchar kai ni achaven pi chib.
20Ko proketil pe dade o pe da,
ka merel laki memeli ando baro truniariko.#Ek 21.17; Pr 19.26.
21Sogo dobilpe but oma,
mapalal ni ka avel chuke po blagosipe.
22Na phen nikada kai ka ikane chi duk,
muk pe Devleko ta vou ka braduil tut.#Ro 12.19.
23E Devleke inai drago o pharipe kojamno,
ta inai leke drago kana phariaven kojaimaia.
24O Del inllarel a manuse po zivoto,
niko ni llanel so ka avelpe mai angle.#Sal 37.23; Pr 16.9; Jer 10.23.
25Ande iek bari dar thovelpe o lleno
kai del po alav e Devle ta ni cherel le.
26O chari bizai duriavel petar e bilachen
ta del upral pe lende iekhe tochkoia.
27O duo e manuseko si e lampara e Devleki
ta dikhel laia andre ando mislo e manuseko.
28E zalba ta chachipe arakhen e charo,
pala o postenipe leko trono si pe porrne.
29O baripe e ternengo si lengi zor,
a o sukaripe e phurengo si lenge balparne.
30E duk kai mukel o bicho si o drab e bilachenge,
o chaladinipe sastarel e mislura.
Currently Selected:
Proverbios 20: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
