Proverbios 19
19
1Mai preche si te ave chorro ta chacho,
neko te ikane bune ta te ave dilo.#Pr 28.6.
2Kor ni mislilpe mai anglal ni cherel sukar,
ta ko sigarel te phirel jasaol.
3O bilachipe e manuseko bangarel leko drom,
ta mapalal o manus joliaol po Del.
4E love cheren te aven but amal,
a o chorro si fulado katar po amal.
5Gua kai kojavel pe iek orba ka avel leke pochindo,
ta o kojamno nasti ka nasel.#Pr 19.9.
6But llene roden gole kai si posteno,
ta sa si amal katar gua kai del averen.
7Sa e phlal katar o chorro murzin pe lete,
a ios mai but ka durion letar leke amal.
Rodel te perel lenge drago alavenchar
ta nasti cherel te volin le.
8Ko si bizai volil vou pe,
o lleno kai llal pala o bizaipe ka malavel o lachipe.
9O lleno kai kojavel pe iek orba si te pochinel,
ta ko del orbe kojamne ka avel zatrime.#Pr 19.5.
10Inai prema iek dilo te zivil ando baripe,
¡ni prema iek sluga te gazdaril maskar e charura!
11O bizaipe e manuseko achavel leki joli,
a leko liubao si te na thovel sama kana dukhaven le.
12E joli e charoki si sargo kana basel iek liono,
a kana si posteno si sargo kana pechalpeke pe char.
13Iek chaurro dilo del joli pe dade.#Pr 27.15.
E diskinia balavi
si sargo kana thavdel o pai ta ni achel.
14O cher ta barvalipe den len e dada,
a iek rromi bizai del la chuke o Del.
15O lenope cherel te pere ande bari lindri,
ta o leno ka nakhel bok.
16Ko cherel so phenel iek zakono arakhel po zivoto,
a ko ni thovel sama po sikadipe ka merel.
17Kana de unllile e chorre de unllile e Devle,
ta isto o Del ka pochinel.
18Sikav che chaurre te dikhea kai sai sikol,
ta na cher le sigardo te na mundare le.
19O lleno kai joliaol but si te lel e zatrania,
a te si silno ios mai gore ka llal leke.
20Asun kana den pe tute ta kande kana sikaven tute,
ta gia ka ave bizai.
21But ezgode mislilpe o te cherel manus,
a samo so phenel o Del cherdol.#Pr 16.1,9; Ekl 9.1.
22So mangelpe katar iek manus si te kandel,
mai mol iek chorro neko iek kojamno.
23Te de liubao e Devle inllarel tut kai o zivoto,
ka zivi veselo ta ni ka nakhe ni iek bilachipe.
24Ko si leno inzarel po va te lel o jape,
a ni thovel o jape ande po mui.#Pr 26.15.
25Dukhav gole kai istardol ta sikol,
a o bizai sikol samo te de pe lete.#Pr 21.11.
26Ko lel pe dadeke ezgode ta tradel pe da,
cherel lenge o mai baro lallao ta bilachipe.
27Chaurrea, na asun ios o sikadipe
kai duriavel tut katar e mislura bizai.
28O kojamno ande pi orba
ka marel espurnia katar o chachipe,
ta e alava e bilachenge ka ucharen o bilachipe.#Pr 15.28.
29Lachardi si e kris golenge kai maren espurnia,
ta o bicho te chaladol pe zea e dilenge.
Currently Selected:
Proverbios 19: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
