Proverbios 18
18
1Ko zivil dur katar e llene dikhel samo vou peke
ta joliaol kana vareko sikavel le fiso.
2O dilo inai leke drago te sikol
a drago leke te dikhen kai ni llanel.
3Kana avel o lleno bilacho avel o lallao,
ta o lallao anel e espurnia.
4E alava e manuseke si sargo iek baro pai,
sargo iek pai kai del avrial,
iek bunari llanglimako.
5Inai sukar te dobil o dosalo pe iek kris,
ta te na krisin orta e chache.
6E orbe e dileke thoven le ande chingar,
ta leke alava cheren te avel mardino le.
7E alava e dileke zatrin isto le,
ta leke orbe si sargo iek solo pe leki korr.
8E bune katar o lleno kai inllarel e orbe
si sargo o jape guglo,
kai del andre ando lli.#Pr 26.22.
9O lleno kai si leno ande po rado
si phlal goleko kai zatril.
10O anav e Devleko si iek cher zuralo
kai aven lete e llene chache te arakhel len.
11O barvalo mislil kai leko barvalipe
sargo eik foro phanglo ande bare zidura.
12Kote kai si baripe avel e zatrania,
a kote kai inai baripe avel o blagosipe.
13Dilipe ta lallao si te de orba
mai inglal te asune.
14E vlaga e manuseki cherel te terpil po nasualipe,
¿a te inai vlaga sar ka terpi?
15E llene kai rodel o llanglipe,
len o bizaipe kai roden.
16Kana de varaka fiso ortolpe cho drom
ta rese angla e bare udara.
17O purvo lleno kai chacharelpe
cherel te misli kai phenel o chachipe
a avel gua kai kajpe lea ta phenel o chachipe.
18Kana muken pe Devleko lachardon e krisa,
ta cherel te chinen kris gola kai marenpe.
19Iek phlal joliariko phangliol
sargo iek foro ande zidura.
E joli maskar e phlal si mai zurali
neko e udara katar iek cher barrustuno.
20Suako lleno lel prema e orba kai del
chaliol katar e alava kai phenel.#Pr 12.14; 13.2.
21E orba si la po zivoto ta po meripe,
ko del but orbe ka avel leke pochondo.
22Kor malavel peke rromi malavel o lachipe,
ta o Del dikhel pe lete lachimaia.
23Kana o chorro del orba molilpe
a o barvalo del anglal silnomaia.
24O lleno kai si le amal si te avel amal,
A si nesave amal kai si mai but neko iek phlal.
Currently Selected:
Proverbios 18: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
