Proverbios 17
17
1Mai preche si te ja kotor marrno ande pas,
neko te ja but mas ta te ave ande joli.
2O sluga bizai gazdaril po chavo kai del lallao,
ta i lel so len ogola phlal.
3Ande iag zumadol o rup ta o sunakai,
a o Del zumavel e lie.#Pr 27.21.
4O bilacho ta o kojamno
thoven sama pe orbe kojamne ta bilache.
5Ko marel espurnia katar o chorro
marel espurnia katar o Del,
ko veselilpe katar leki belava
ni ka achel bi te pochindol leke.
6E unukura si e korona katar e phure,
o baripe e chaurrengo si lenge dada.
7Inai prema o dilo te del orbe glamne,
ni prema o lleno liubaimako te kojavel.
8Ko pochinel te cheren pe leko
mislilpe kai cherel iek ezgoda but glamni,
soke llal leke sukar pe sogo cherel.
9Ko prostil kana dukhaven le rodel o volipe,
a ko phenenle cherel te nasel letar leko amal.
10Iek drom den po lleno bizai ta mai kandel,
neko stotina droma te chalaven e bichoia iekhe dile.
11Ko ni kandel samo rodel te marelpe,
a ka avel bichaldo iek leno bilacho kai ka marel le.
12Mai preche si te ave pasa iek
melleda kai arakhel pe minonen,
neko pasa iekhe dilo ande po dilipe.
13Ko pochinel bilachimaia po lachipe
ni ka llaltar o bilachipe katar leko cher.
14O lleno kai rodel te marelpe si sargo
iek len kai likel avri,
mai lache si te nase ta te na ami tut lea.
15Te prostilpe e dosale ta te dosarelpe e chache,
si dui ezgode kai o Del nasti terpil.#Ek 23.7.
16Iek dilo lovenchar ando va
nasti chinel o bizaipe soke ni acharel niso.
17Iek amal volil tut sa o vreme
ta kana avel e nuzda si sargo iek phlal.
18O lleno dilo pochinel avereko onllilipe
ta achel lacho pala le angla po amal.
19Kake si drago o bilachipe, drago leke te marelpe,
Gua kai istardol rodel pi zatrania.
20Ko si bilacho andral ni ka malavel o lachipe,
o kojamno ka perel ande bilachipe.
21Ko si dad katar iek dilo nakhel duk,
o dad katar iek chaurro kai ni sikol inai veselo.
22O lio veselo si o mai lacho drab,
a o duo tristome sukarel e kokala.
23O lleno bilacho pochinen leke po chorial,
te bangarel o chachipe.
24Po mui e bizaieko sikadol o bizaipe,
a o dilo ni llanel so rodel.
25O chaurro dilo del joli ta zalba
pe dade ta pe da.
26Nasti dosarelpe gole kai inai dosalo
ta nasti dukhadol gole kai si le liubao ta si chacho.
27O lleno bizai ni del but orbe
o lleno llanglo llanel te mislilpe.
28Llik o dilo kana ni del orba dikhol bizai,
kana phandel po mui nakhel sargo llanglo.
Currently Selected:
Proverbios 17: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
