Proverbios 16
16
1O manus mislilpe te cherel e ezgode,
a o Del phenel sar ka cherdon,#Pr 16.9; 19.21; Ekl 9.1.
2O manus mislil kai sogo cherel si sukar,
a o Del pinllarel o lio e manusengo.#Pr 21.2.
3Muk ande Devleke va so mange te chere,
ta ka del tut e zor te cherdon.#Sal 37.5.
4O Del cherda sa pala iek ezgoda,
i gole kai ni pachal te sai avel ando llive bilacho.
5O Del nasti terpil e llenen kai istardon,
a si te pochinen po bilachipe.
6O volipe chachuno prostil o bilachipe,
Ko del liubao e Devle duriol katar o bilachipe.
7Kana e Devleke si drago sar zivil ie lleno,
i leke dusmanura si lea ande pas.
8Mai preche si te le cherricha chachimaia,
neko te le but kojaimaia.
9O manus mislilpe ando po drom,
a o Del ortol leke korakura.#Pr 16.1; 19.21; Ekl 9.1.
10O charo del orba chachimaia,
ta ni ka chinel iek kris bangi.
11Samo o Del llinel ta phariarel chachimaia,
leke si sa e ambave kai phariaven lenchar.
12E charura joliaon kana inai zalba,
soke lengo trono si thodo ando chachipe.
13E charura veselinpe pe orba chachi,
volin gole kai phenel so si orta.
14E joli e charoki inllarel o meripe,
a o manus bizai ka achavel le.
15Kana o charo asal si kai ka avel zivoto,
ta leko postenipe si iek oblako pherdo pai.
16Te le bizaipe ta llanglipe
mai mol neko te le rup ta sunakai.
17E llene chache durion katar o bilacho drom,
o lleno kai arakhel katar llal arakhel po zivoto.
18O istardipe inllarel kai e zatrania,
o baripe avel mai anglal te pere.
19Mai preche si te ave prosto maskar e chorre,
neko te barvalo maskar e barikane.
20Ko thovel sama pe alava llal leke sukar,
¡blagosime o lleno kai uzdilpe ando Del!
21Ko mislilpe bizaimaia phenen leke bizai,
e alava postene bariaren o bizaipe.
22Ka si o bizaipe si le sargo iek pai zivotoko,
te sikave e dilen si iek dilipe.
23Ko llanel te mislilpe llanel te del orba,
ta bariol o bizaipe katar leke alava.
24Sargo aullin si e alava kovle,
gugliaven o zivoto ta den sastipe.
25Si droma kai o manus dikhel len orta,
a lengo son si o meripe.#Pr 14.12.
26O manus radil te pravarelpe
soke e bok cherel le te radil.
27O lleno bilacho anavel ando bilachipe,
ta ande leko mui si iag kai phabol,#Stg 3.6.
28O lleno bilacho cherel te marenpe,
ta ko del averenge orbe fulavel e amalen.
29O lleno bilacho kojavel pe amale
ta cherel le te llal po bilacho drom.
30O lleno bilacho phandel pe akha
te mislilpe ando bilachipe,
miskol po mui ta cherel o bilachipe.
31E bal parrne si iek korona kai del liubao,
ta maladol po drom katar o chachipe.
32Mai preche si te terpi neko te ave tromano,
te gazdari pe tute neko te gazdari pe iek foro.
33O manus rodel pi baj,
a o Del cherel e ezgode.
Currently Selected:
Proverbios 16: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
