Proverbios 15
15
1E orba posteni achavel e joli,
a e orba silni ios mai joliavel.
2Katar o mui e bizaiengo likel o bizaipe,
a o mui e dilengo rispil o dilipe.
3O Del si pe suako rig,
ta dikhel pe lache ta i pe bilache.
4E orba posteni si iek kas kai del zivoto,
a e orba bilachi dukhavel o duo.
5O dilo ni thovel sama pe dadeke kana ortol le,
a gua kai thovel leke sama si bizai.
6Ando cher e chacheko si but barvalipe,
a o chari e bilacheko anel leke nuzde.
7E bizaiengo mui chudel petar o bizaipe,
a e dile ni mislinpe ande gala ezgode.
8O Del nasti terpil e ezgode dine katar e bilache,
a lel veselimaia o molipe katar e lache.#Pr 21.27.
9O Del nasti terpil sar zivin e bilache,
a volil gole kai llal chachimaia.
10Ko mukel o drom dukhaven le te ortolpe
ko inai leke drago te orton le ka merel.
11O meripe ta o limori si angla o Del,
¡gachin mai but si e lie e manusenge!
12o barikano murzil pe gua kai del pe lete,
ta ni chidiniaol e bizaienchar.
13O lio veselo cherel te asal o mui,
a o lio tristo cherel le te rovel.
14O mislo bizai rodel o bizaipe,
a e dile jan katar o dilipe.
15O dukhado suako llive si leke trudno,
a o lleno veselo suako llive si le iek baro jape.
16Mai preche si te ave chorro
ta te de liubao e Devle,
neko barvalo ta ando bilachipe.#Sal 37.16.
17Mai preche si te ja septelie ande veselia,
neko te ja mas guruvano ande joli.
18O lleno silno cherel te marenpe,
a o lleno kai terpil e joli achavel la.
19O drom katar o leno si pherdo karrne,
a o drom katar o chacho si orta.
20O chaurro bizai veselil pe da ta pe dade,
a o dilo ni thovel lenge sama.#Pr 10.1.
21E veselia e dileki si leko dilipe,
o bizai ortol po drom.
22Kote kai niko ni puchel nasti lla angle,
a kana but llene sikaven sai chere so mange.
23¡Gia sukar si te phenen so mangea te llane,
ta ios mai sukar kana phenen le orta po vreme!
24O drom e zivotoko llal upre e bizaieke,
te sai duriol katar o meripe kai si tele.
25O Del zatril o cher katar o barikano,
a o cher katar e phivli ni ka miskolpe.
26O Del murzil pe mislura e bilachenge,
a drago leke e alava chiste.
27O jamllalo pe love muril po cher,
a o lleno kai ni kojavel pala e love ka zivil.
28O lleno chacho mislilpe so ka phenel,
a o bilacho katar po mui chudel o bilachipe.#Pr 19.28.
29O Del duriol katar e llene bilache,
ta asunel o molipe katar e llene chache.
30Kana klichin e akha o lio veselilpe,
ta iek lachi viasta del zor ande kokala.
31Kor asunel kana sikaven le sar te zivil,
ka avel maskar e bizai.
32Kor ni thovel sama kana den pe lete
vou peke ni thovel sama,
a o lleno kai thovel sama lel o bizaipe.
33Kana blagosi e Devle siko o bizaipe,
te den tut liubao mai anglal si te na ave barikano.
Currently Selected:
Proverbios 15: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
