Proverbios 14
14
1E diskinia bizai vazdel po cher,
a e dili pe vastenchar peravel le.
2O lleno kai llal orta blagosil e Devle,
a ko llal bangimaia del le e zea.
3O lleno dilo del orbe barikane,
a o lleno bizai ni del but orbe.
4Kana inai o guruva inai lliu,
a kana si e zor e guruveki o lliu bariol.
5O lleno kai del orba chachi ni kojavel,
a o lleno kai ni del orba chachi kojavel.
6O lleno kai ni istardol rodel o bizaipe
ta ni malavel le,
a e bizaieke si likho o bizaipe.
7Duriu katar o lleno dilo,
soke letar ni ka siko niso.
8O bizaipe sikavel e bizaie so te cherel,
a o dilipe e dilengo kojavel len.
9E llene dile asan peke katar o bilachipe,
a naskar e chache si o volipe e Devleko.
10O lio pinllarel pi zalba, ta ni phenel
pi veselia e llenenge kai ni pinllarel.
11O cher e bilachengo ka avel zatrime,
a e chare e lachenge ka barion sargo lulunlla.
12Si droma kai dikhon orta,
a lengo son si o meripe.#Pr 16.25.
13I kana asal o manus dukhal le leko lio,
mapalal katar o asape avel e zalba.#Ekl 2.2.
14O lleno dilo si veselo sar zivil,
a o lacho veselilpe ande so cherel.
15O lleno dilo pachal sa so phenen leke,
a o bizai dikhel katar phirel.
16O bizai daral katar o bilachipe ta nasel letar,
a e dilo ni chitilpe niso.
17O lleno kai joliaol oma ka cherel dilipe,
ta ka murzin po lleno bilacho.
18E dile ka len o dilipe,
a e bizai ka len e korona katar o llanglipe.
19E bilache ka bangon angla e lache,
e bilache ka molinpe lenge pe lengo udar.
20Po chorro murzil i leko amal,
a o barvalo but e llene si leke amal.
21Kor murzil po lleno kai zivil pasa le cherel o bilachipe,
a ¡blagosime gua kai si leke zalba katar o chorro!#Sal 41.1.
22Gola kai mislinpe o bilachipe llan jasarde,
a gola kai mislinpe o lachipe,
len volipe ta o chachipe,
23Suako rado del chari,
a gua kai del but orbe chorraol.
24E korona e bizaiengi si lengo llanglipe,
a e dilengi si lengo dilipe.
25Ko del orba chachi braduil averengo zivoto,
a o lleno kai del orba kojamni mundarel.
26Kana blagosi e Devle cherel te uzdi tut,
ta te avel len so te aduricharen leke chaurre.
27Kana blagosi e Devle del tut zivoto
kai braduil katar e sole e marimake.#Pr 13.14.
28Kana o foro si baro o charo veselilpe,
a kana o foro si minono jasarel e zor.
29O lleno kai terpil si bizai,
a o lleno kai sigarel sikavel po dilipe.
30O misli kai ni sigarel si zivoto e esnagake,
a e joli kana avere si jaliarel e kokala.
31Kor dukhavel e chorre dukhavel e Devle,
a blagosil gole kai si leke zalba.
32Pala po bilachipe o bilacho perel,
a o chacho arakhel le leko chachipe.
33O bizaipe si ando mislo e bizaieko,
a e dile ni llanen so si o bizaipe.
34O chachipe si o baripe e phuviengo,
a o bilachipe si o lallao katar e forura.
35Po sluga bizai o charo dikhel lachimaia,
a joliaol golea kai mukel le ando lallao.
Currently Selected:
Proverbios 14: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
