Proverbios 13
13
1O chaurro bizai asunel pe dade kana sikavel le,
A gua kai marel espurnia ni kandel le.
2Suako lleno jal katar so del orba,
a e bilachengo jape si o silnope.#Pr 12.14; 18.20.
3Ko arakhel pe orbe arakhel po zivoto,
a ko del but orbe ka nakhel bari nevolia.#Stg 3.2-12.
4O manus leno zelil e ezgode, a ni lel niso,
a e llene kai radin ka liken angle.
5O chacho murzil po alav kojamno,
a o bilacho si ando lallao ta ande espurnia.
6O chachipe arakhel e llene chache,
a e bilache zatril le o bilachipe.
7Si llene kai cherenpe barvale a inai len niso,
a si llene kai cherenpe chorre a si but barvale.
8O barvalo pochinel po zivoto
pe lovenchar,
a o chorro ni thovel sama kana daraven le.
9E chache si sargo iek villelo kai kletosarel,
a e lampara e bilachengi merel.
10O istardipe cherel te marenpe,
a o bizaipe si golenchar
kai asunen kana den pe lende.#Pr 11.2; 18.20.
11O barvalipe kai lelpe oma llaltar oma,
a gua kai chidel le poloke bariol.
12So zelilpe but vreme nasuarel o lio,
a so reselpe si sargo iek kas zivotoko.
13Ko ni kandel iek alav ka rovel,
a ko kandel o sikadipe ka braduilpe.
14Kana iek bizai sikavel del zivoto,
ta braduil katar o sole e merimake.#Pr 14.27.
15O lleno kai mislilpe orta vilin le e llene,
a e kojamnengo drom llal kai e zatrania.
16Suako lleno bizai llal bizaimaia,
a o lleno dilo sikavel po dilipe.
17O profeta bilacho anel e nuzda,
a o profeta chacho anel sastipe.
18Ko ni thovel sama kana sikaven le
anel peke chorripe ta lallao,
a baro liubao lel gua kai kandel kana sikaven le.
19Kana cherdol so zeli veselilpe o lio.
A but trudno si te durion e dile katar o bilachipe.
20Lla e bizaienchar ta ka le bizaipe,
lla e dilenchar ta ka muri cho zivoto.
21O bilachipe llal pala e llene bilache,
a e chache ka len o lachipe.
22O lleno lacho mukel pe unukonenge so si le,
a o barvalipe e bilacheko ka achel e lacheke.
23Ande umal e chorreki si but jape,
a kana inai chachipe sa jasaol.
24Ko ni ortol pe chaurre ni volil le,
a ko del pe lete kana si minono volil le.
25O lleno chacho jal ta chaliol,
a o bilacho achel bokhalo.
Currently Selected:
Proverbios 13: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
