Proverbios 12
12
1Kor voli o sikadipe volil o bizaipe,
te murzi kana den pe tute si soke ni llane niso.
2O Del lel e llene lache,
a gole kai mislil te cherel o bilachipe,
o Del ka proketil le.
3O bilachipe inai le katar te istardo pe lete,
e llene chache si istarde pe zile kai ni chindon.
4E rromi lachi cherel katar po rrom iek charo,
a e bilachi rromi cherniarel leke kokala.
5E llene chache mislinpe ando chachipe,
a e llene bilache samo ando kojaipe.
6E orba e bilachengi kojavel ta mundarel
a e orba e chachengi braduil.
7E llene bilache peren ta kote si lengo son,
a e llene chache achen pe porrne.
8O manus si blagosime prema leko bizaipe,
a o lleno bilacho niko ni thovel leke sama.
9Mai mol o chorro chalio,
neko o barvalo bokhalo.
10O lleno lacho arakhel pe zivirinien,
a ando lio e bilacheko inai zalba.
11Kor radil pi phuv si le so te jal,
a o dilo jasare o vreme ande so ni blazil.
12E dragostia e bilacheki
si ando mislo e bilachengo,
a e llene chache si sargo kasta kai den septelie.
13O bilacho kojadol isto ande pe alava,
a o chacho likel katar e nuzda.
14O manus lel o lachipe prema so phenel,
suako lleneke pochindol leke prema so cherel.#Pr 13.2; 18.20.
15O dilo mislil kai sa so cherel si sukar,
a o bizai asunel kana sikaven le.
16O dilo oma sikavel pi joli,
a o bizai mukel te nakhel e duk.
17Ko del orba chachi sikavel o chachipe,
a gua kai del orba kojamni sikavel o kojaipe.
18Si orbe kai chalaven sargo iek jarni
a e orba e bizaieki sastarel.
19E orba bizai ni merel nikada,
a e orba dili merel isto kote.
20O kojaipe si ando lio katar gola
kai mislinpe o bilachipe,
a ande golengo kai mislinpe o lachipe si veselia.
21Ni iek nuzda ni ka nakhel o lleno chacho,
a e llene bilache ka aven pherde belava.
22O Del murzil pe kojamne,
a dikhel lachimaia pe llene kai si chache.
23O bizai ni falilpe katar po bizaipe,
a o dilo saurrenge phenel po dilipe.
24Ko radil ka gazdaril,
a ko ni radil pe lete gazdarin.
25E zalba zatril e manuse,
o alav posteno veselil le.
26O lleno chacho sikavel o drom avereke,
a o drom e bilachengo jasarel len.
27O lleno leno inai le so te jal,
a o lleno lokho barvaol.
28Po drom katar o chachipe si o zivoto,
a o drom katar o dilipe inllarel kai o meripe.#Ro 6.21-22.
Currently Selected:
Proverbios 12: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
