Proverbios 11
11
1E Devleke inai drago e llene kai phariaven kojaimaia
a drago leke kana phariaven chachimaia.#Lv 19.35-36; Dt 25.13-16; Pr 20.10,23; Am 8.5.
2Kana avel o baripe mapalal avel o lallao,
o bizaipe si e llenenchar kai ni istardon.#Pr 13.10.
3E llene e orta, llan angle pala po ortope,
a e llene kojamne zatril len lengo kojaipe.
4O barvalipe ni ka blazil ando llive e krisako,
a o chachipe braduil katar o meripe.#Pr 10.2.
5O chachipe ortol o drom katar o chacho,
a o bilacho lleno perel isto pala po bilachipe.
6O chachipe mukliarel e chache llenen,
a e bilachen phandel len lengo bilachipe.
7Kana o bilacho lleno merel,
merel lea sa so mangel te cherel ta sa so zelil.
8O Del braduil e chache katar e nuzda,
ta pe leko than thovel e bilache.
9O bilacho pe orbaia zatril e llenen kai si pasa le,
a o bizaipe katar o lleno chacho braduil le.
10Kana llal sukar e chachenge, o foro veselilpe,
kana e bilache meren, si bari veselia.
11Kana e chache blagosin, o foro bariol,
a kana e bilache den orba, avel e belava.
12O dilo del orba bilachi katar po amal,
o bizai ni phenel niso.
13O llene kai inllarel orbe, phenel sogo asunel,
o lleno kai uzdi tut ande lete guruvel e orba.
14Te inai lacho gazdaripe, o foro zatrilpe,
a kana but llene sikaven, o foro sai braduilpe.#Pr 24.6.
15E briga rodel ko del unllile ka ni pinllarel,
ko ni del unllile zivil esmiro.
16E lachi diskinia lel o liubao,
a o murus tromano lel o barvalipe.
17O lleno kai si le zalba isto peke cherel o lachipe,
a o bilacho isto vou peke cherel o bilachipe.
18O lleno bilacho lel o pochindipe kojamno,
a o chacho pochinen leke chachimaia.
19Gia sar o chachipe inllarel kai o zivoto,
isto gia o bilachipe inllarel kai o meripe.
20E Devleke inai drago
e llene kai lengo lio si bilacho,
a dikhel lachimaia pe llene chache.
21Chachimaia si te pochindol e bilacheke,
a e vicha e chachengi ka likel mukliardi.
22Angrusti sunakuni ando nak e baleko
si e diskinia sukar ta dili.
23E llene chache mangen samo o lachipe,
a e bilache samo aduricharen e joli.
24Si llene kai den ta len mai but,
a si aver kai chiden ta chorraon.
25O lleno kai del ka llal leke sukar,
ta ko phagel avereki trus i leki trus ka phagen.
26E llene proketin gole kai guruvel o lliu,
a blagosin gole kai bichinel le.
27Ko rodel o lachipe, rodrl te llal leke sukar,
ko llal pala o bilachipe o bilachipe ka malavel le.
28Ko uzdilpe ande po barvalipe ka perel
sargo e patra suke,
a e llene chache ka zelenin sargo e krangura.#Mk 10.23-25.
29O lleno kai ni thovel sama pe po cher
ni ka achel le niso,
o dilo sa o vreme ka avel sluga e bizaieko.
30O chachipe del zivoto,
o silnope mundarel.
31Te lela o pochindipe o chacho kate pe phuv,
¡gachin ios ka lel le o bilacho!#1 P 4.18.
Currently Selected:
Proverbios 11: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
