Proverbios 10
10
Purve alava chidine katar o Salomon
1Alava katar o Salomon.
O chaurro bizai si e veselia pe dadeki,
o chaurro dilo tristol pe da.#Pr 15.20.
2O barvalipe kai lelpe bilachimaia ni blazil,
a o chachipe braduil katar o meripe.#Pr 11.4.
3O Del ni mukel te nakhel bok o lacho,
a e bilache ni mukel le te phagel pi bok.
4Cherricha rado si chorripe,
but radi si barvalipe.
5E llene lache chiden kana si o milai,
e llene barikane soven kana si te chiden.
6Po lleno lacho delpeke o blagosipe,
a o lleno bilacho tasavel le o silnope.
7Katar o lleno lacho denpe golli blagosimaia,
a katar o lleno bilacho bristarenpe oma.
8O lleno bizai kandel e zakonura,
a o lleno kai del orbe dile jasarel sa.
9O lleno kai llal orta ni daral,
a o lleno kai llal bangimaia jasarel
kana llangliolpe so cherel.
10O lleno kai chudel e akhaia
anel but bilachipe,
o lleno kai del orbe dile jasarel sa.
11E alava katar o lleno chacho den zivoto,
a o lleno bilacho tasavel le o silnope.
12E joli cherel te marenpe,
a o volipe cherel te prosti suako bilachipe.#Stg 5.20; 1 P 4.8.
13Ando mui katar o llanlglo si bizaipe,
a e dileke zea si chaladine iekhe kastea.
14E bizai guruven po bizaipe,
a kana e dile den orba, avel e nuzda.
15E barvale arakhel le leko barvalipe,
a e chorre zatril le leko chorripe.
16O lleno chacho si te lel o zivoto,
a o lleno bilacho chidel o bilachipe.#Pr 11.18; Pr 12.28; Ro 6.23.
17O lleno kai thovel sama po sikadipe
llal karing o zivoto,
a gua kai ni thovel leke sama,
llal karing o meripe.
18O lleno kojamno guruvel e joli,
ta o lleno kai inllarel orbe kojamne si dilo.
19O lleno kai del but orbe, but kojadol,
a o bizai llanel kana si te achel.
20O mai lacho rup si e chib katar o chacho,
a e golli katar o lleno bilacho ni mol la niso.
21E orba kai del o chacho sikavel bute llenen,
a o dilo mundarel le leko dilipe.
22O blagosipe e Devleko si iek barvalipe
kai ni anel pea e duk.
23E dileke si drago te cherel o bilachipe,
a o bizai veselilpe ando bizaipe,
24Katar so mai daral o lleno bilacho
isto gua nakhel,
a sogo zelil o lleno chacho cherdol leke.
25O bilacho llaltar kana nakhel iek bari balav,
a o lleno chacho achel ostade.
26O lleno leno si e lleneke kai bichalel le,
sargo e mol sukli pe danda, ta o thuv ande akha.
27Kana blagosi e Devle bariol o zivoto,
a e bilachengo zivoto chikniol.
28E llene chache aduricharen e veselia,
a e bilache aduricharen e zatrania.
29O Del arakhel golen kai cheren o lachipe,
a zatril golen kai cheren o bilachipe.
30O lleno chacho nikada ni ka jasarel,
a o bilacho lleno ni ka zivil pe phuv.
31Katar o mui e chacheko likel o bizaipe
a e bilacheki chib ka chinen la.#Sal 37.30.
32O lleno chacho del orbe sukar,
a o lleno bilacho samo orbe bilache del.
Currently Selected:
Proverbios 10: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
