Filipenses 2
2
Te ava sargo o Kristo
1Te cherda tumen o Kristo te den zor averen, te cherda tumen o volipe te den veselia averen, te si saurrengo lio ande iek Duo, te si ande tumaro lio e zalba pala aver llene, 2cheren te avel mi veselia pherdi, zivin sa ande iek mislo, aven saurre ande iek than pala o volipe, pala iek duo, ta pala iek ezgoda. 3Na cheren niso ande joli ni pala o baripe, cheren le prostimaia, ta suako lleno te dikhel avere mai baro neko vou pe. 4Niko te na rodel o lachipe samo vou peke, morabi te rodel o lachipe i ogolenge. 5Morabi te avel tumen isto o mislo e Kristoko, 6O Kristo saia sargo o Del:#Jn 1.1-3; Kol 1.15.
Ta makar saia sar o Del
ni kamla te avel leki zor ande goia ezgoda
7Ta mukla pe iek rig vou pe
ta cherdilo sargo iek sluga.
Ta cherdilo sargo sa e manusa
ta sikadilo sargo varesavo manus,
8Ta kana saia sargo iek manus kandia e Devle,#Mt 26.39; Jn 10.18; Ebr 5.8.
llik kai o meripe,
llik kana mulo po krusto.
9Goleke o Del dia le o mai baro baripe#Ebr 2.9; 12.2.
ta o anav mai glamno katar sa e anava,
10ta angla gua anav kai si dino e Jesuseke,
te sai den changenchar saurre
ando miloso, pe phuv ta telal tala e phuv
11ta te llanen saurre kai o Jesukristo si Gazda,#Is 45.23.
te avel blagosime o Del o Dad.
Sar morabi te ava
12Goleke phlalorralen, isto gia sar kandien man sa o vreme kana sema pasa tumende, pachan man ios mai but akana kai sem dur. Cheren te avel chachuno tumaro braduipe liubaimaia, 13soke o Del thovel ande tumaro lio te mangen te cheren o lachipe ta isto vou pomozil tumen te cheren le.
14Sogo cherena, na murmalin ta na jan tumen, 15te na phenel tumendar niko kai sen dosale, ta si te aven chave e Devleke ta te aven chiste maskar gala llene bilache. Maskar lende tumen klichin sargo cheraia ando sueto,#Dt 32.5. 16pachan ande orba zivotoki. Ta kana ka avel o Kristo, me ka cherav baripe ande tumende, soke e patnia kai nakhlem ta o rado kai cherdem die iek lacho chari. 17I te avel dino mo meripe tumenge te getolpe so tumen si te den e Devle pala tumaro pachape, me veseliu man sa tumenchar. 18Veselin tumen i tumen manchar.
O Timoteo
19Aduricharav te cherel o Jesus o Gazda te bichalav tumenge e Timoteo, ta ka veseliu man but kana ka asunav tumendar vareso.#Ech 16.1-3. 20Vou si o lleno kai mai but brigilpe pala tumende ta chachimaia mangel tumenge o lachipe. 21Saurre mangen te cheren o lachipe samo von peke, a ni cheren so mangel o Jesukristo. 22A tumen akana llanen sar si vou ta llanen kai vou llelo manchar te phena e lachi viasta ta pomozisarda man sargo kana saia mo chavo. 23Mangav te bichalav le tumende, a mai anglal morabi te llanav dal ka achav ios ande rubie. 24A si man e vera ando Del kai ka avav tumenchar oma. 25Mangav te bichalav tumenge i e phlale o Epafrodito, vou radil manchar, isto tumen bichaldena le mande kana trubula man ko te pomozil man.
26Vou zelil te avel tumenchar, ta si leke but briga soke tumen llanglen kai vou saia nasualo. 27Ta chachimaia saia nasualo, ta maka merel; a e Devleke avila zalba letar ta i mandar, te na avel mange ios mai but zalba. 28Goleke bichalav le tumende oma te veselin tumen kai ka dikhen le pale ta te na avav gia tristome. 29Len le tumende sa e veselimaia sargo phlal ando Gazda ta volisaren e llenen kai si sargo vou, 30soke saia po meripe cheres o Kristo. Thoda po zivoto po meripe ta maka merel, soke pomozisarda man ande so tumen nasti pomozina man soke sena dur.
Currently Selected:
Filipenses 2: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
